Share Post
தனியார் துறை ஊழியர்களுக்கான மாதாந்த தொடருந்து பருவகாலச் சீட்டுகளை (Season Tickets) இணையவழியில் (Online) பெற்றுக்கொள்ளும் புதிய வசதியை எதிர்வரும் ஒக்டோபர் முதலாம் திகதி முதல் அறிமுகப்படுத்த தொடருந்து திணைக்களம் தீர்மானித்துள்ளது.
அதன்படி, seatreservation.railway.gov.lk என்ற இணையவழி ஊடாக மாதாந்த தொடருந்து பருவகாலச் சீட்டுகளை பெற்றுக்கொள்ள முடியும்.
இதற்கு முன்னர் அரச துறை ஊழியர்களுக்கு மட்டுமே வழங்கப்பட்டு வந்த இந்த வசதி, தற்போது தனியார் துறை ஊழியர்களுக்கும் விரிவுபடுத்தப்பட்டுள்ளது.
இதன் மூலம் பயணிகள் அடிக்கடி தொடருந்து நிலையங்களுக்குச் செல்ல வேண்டிய அவசியமின்றி, உத்தியோகபூர்வ ஆசன முன்பதிவு இணையத்தளத்தின் மூலம் பருவகாலச் சீட்டுகளை இலகுவாகப் பெற்றுக்கொள்ள முடியும்.
இந்த விரிவாக்கப்பட்ட சேவையின் உத்தியோகபூர்வ தொடக்க விழா இன்று (8) பத்தரமுல்லையில் உள்ள 'வோட்டர்ஸ் எட்ஜ்' விருந்தகத்தில், போக்குவரத்து மற்றும் நெடுஞ்சாலைகள் பிரதி அமைச்சர் பிரசன்ன குணசேன மற்றும் டிஜிட்டல் பொருளாதார பிரதி அமைச்சர் எரங்க வீரரத்ன ஆகியோரின் தலைமையில் நடைபெற்றது.
தற்போது நடைமுறையிலுள்ள முறையின் கீழ், பயணிகள் விண்ணப்பப் படிவம், நிழற்படம், வசிப்பிடச் சான்றிதழ் மற்றும் தேசிய அடையாள அட்டையின் பிரதி ஆகியவற்றைச் சமர்ப்பித்து முதலில் அடையாள அட்டையைப் பெற வேண்டும்.
அத்துடன், ஒரு மாதத்தில் குறிப்பிட்ட 10 நாட்களுக்குள், காலை 9 மணி முதல் பிற்பகல் 2 மணி வரையிலான குறுகிய காலப்பகுதிக்குள் மட்டுமே பருவகாலச் சீட்டுகளைப் பெற வேண்டிய சிரமம் காணப்பட்டது.
எனினும், புதிய டிஜிட்டல் முறையின் கீழ் பயணிகள் தங்களது கணக்கு மற்றும் அடையாளத்தை உறுதிப்படுத்திய பின்னர், வீட்டில் இருந்தவாறே பருவகாலச் சீட்டுகளுக்கு விண்ணப்பித்துப் பெற்றுக்கொள்ள முடியும்.
ஆசன முன்பதிவு வசதிகளைக் கொண்ட எந்தவொரு தொடருந்து நிலையத்திலும் பயணிகள் தங்களது கணக்குகளை உறுதிப்படுத்திக் கொள்ள முடியும்.
முன்னதாக, அரச ஊழியர்களுக்கான சலுகை அடிப்படையிலான இணையவழி பருவகாலச் சீட்டு விநியோகம் கடந்த ஜூன் 9 ஆம் திகதி தொடக்கி வைக்கப்பட்டமை குறிப்பிடத்தக்கது.
Latest News
அரசாங்கத்தின் மீதான மக்களின் எதிர்பார்ப்புகளும் ஆதரவும் தற்போது குறையத் தொடங்கியுள்ளது: செல்வம் அடைக்கலநாதன்
Local
12 September 2026
வான்கடே மைதானத்தின் சிறப்பு வரவேற்பறைகளுக்கு சூட்டப்படவுள்ள முன்னாள் கிரிக்கெட் வீரர்களின் பெயர்கள்: மும்பை கிரிக்கெட் சங்கம் தீர்மானம்!
Local
12 September 2026
தமிழ் மக்களின் அடிப்படைப் பிரச்சினைகளைத் திசைதிருப்பும் தற்போதைய அரசு: செல்வம் அடைக்கலநாதன் குற்றச்சாட்டு
Local
12 September 2026
அஜித் - விஜய் சந்திப்பால் அனைத்து நுழைவுச்சீட்டுகளும் விற்றுத் தீர்ந்தன
Local
12 September 2026
சாலமன் பாப்பையாவின் பூதவுடலுக்கு முழு அரச மரியாதையுடன் இறுதிக் கிரியை
Local
12 September 2026
கொழும்பு இசை நிகழ்ச்சி சர்ச்சை: நியோ தரப்பில் குற்றச்சாட்டுகள் நிராகரிப்பு
Local
12 September 2026
பட்டாசு வெடித்து 13 வயது சிறுவன் பலி! ஆலய உற்சவத்தில் நடந்த கொடூரம்
Local
12 September 2026
62 சுகாதார மருத்துவ அதிகாரி பிரிவுகளில் நாளை மறுதினம் முதல் டெங்கு கட்டுப்பாட்டு வாரம்
Local
12 September 2026
AI நிழற்படங்கள் குறித்து அதிருப்தி: கிளியான் எம்பாப்பே கவலை!
Local
12 September 2026
செங்கடல் நுழைவாயிலைக் கைப்பற்றிய ஹவுதிகள்: சவூதி எண்ணெய் குழாய்ப் பாதை தற்காலிகமாக மூடல்!
Local
12 September 2026
