Share Post
சமூக ஊடகப் பதிவு ஒன்றை அடிப்படையாகக் கொண்டு சவூதி அரேபியாவில் மரண தண்டனை விதிக்கப்பட்டுள்ளதாகக் கூறப்படும் அனோஜன் சிவராசாவின் உயிரைக் காப்பதற்கான இராஜதந்திர நடவடிக்கைகள் நேற்று (23) உத்தியோகபூர்வமாக ஆரம்பிக்கப்பட்டுள்ளன.
ஜனாதிபதி சட்டத்தரணிகளான பைசர் முஸ்தபா மற்றும் உபுல் குமரப்பெரும ஆகியோர் இந்த நடவடிக்கைக்காக விசேட இராஜதந்திரத் தூதுவர்களாக செயல்படவுள்ளதாக தெரிவிக்கப்பட்டுள்ளது.
ஜனாதிபதி மற்றும் வெளிவிவகார அமைச்சரின் தலையீட்டின் கீழ் முன்னெடுக்கப்படும் இந்த நடவடிக்கைக்காக இருவரும் அரசாங்க நிதியைப் பயன்படுத்தாமல் தங்களது சொந்த செலவில் பயணங்களை மேற்கொள்வதாக தெரிவிக்கப்பட்டுள்ளது.
அனோஜன் சிவராசாவின் உயிரைக் காப்பதற்கான கோரிக்கையுடன் இருவரையும் சவூதி அரேபியாவுக்கு அனுப்ப அரசாங்கம் கடந்த செவ்வாய்கிழமையன்று (22) தீர்மானித்திருந்தது. இதுதொடர்பான உத்தியோகபூர்வ அறிவிப்பை வெளிவிவகார அமைச்சர் விஜித ஹேரத் நாடாளுமன்றத்தில் வெளியிட்டிருந்தார்.
இந்த நடவடிக்கையின் முதற்கட்டமாக, சட்டத்தரணிகளான பைசர் முஸ்தபா மற்றும் உபுல் குமரப்பெரும ஆகியோர் நேற்று மாலைத்தீவின் முன்னாள் ஜனாதிபதி முகமது நஷீத்தை சந்தித்து, அனோஜன் சிவராசா தொடர்பான கோரிக்கை குறித்து கலந்துரையாடியுள்ளனர்.
இந்த சந்திப்பின்போது, அனோஜனின் சமூக ஊடகப் பதிவு இஸ்லாமிய சமூகத்திற்கு பாரதூரமானதாக இருந்ததாகத் தாம் கருதுவதாக தெரிவித்த முகமது நஷீத், அதேவேளை மனிதநேய அடிப்படையில் அவரது உயிரைக் காப்பதற்கான முயற்சிகளுக்கு தம்மால் இயன்ற ஆதரவை வழங்குவதாக உறுதியளித்ததாக தெரிவிக்கப்பட்டுள்ளது.
மாலைத்தீவில் இடம்பெற்ற சந்திப்பு பயனுள்ளதாக அமைந்ததாகவும், அடுத்த கட்டமாக சவூதி அரேபியாவுக்குப் பயணிக்கத் தயாராக இருப்பதாகவும் ஜனாதிபதி சட்டத்தரணி உபுல் குமரப்பெரும தெரிவித்துள்ளார்.
Latest News
ஹரக் கட்டா – கெஹெல்பத்தர பத்மே மோதல்: விசாரணைகள் ஆரம்பம்
Local
24 September 2026
அரசியலமைப்பின் 22ஆவது திருத்தச் சட்டமூலம் மீதான விவாதம் இன்று
Local
24 September 2026
அனோஜனின் விடுதலை தொடர்பில் ஜனாதிபதியுடன் அவசர சந்திப்புக்கு தமிழரசுக் கட்சி கோரிக்கை!
Local
24 September 2026
ஹபீப் ரிஃபான் தேசியப் பட்டியல் நாடாளுமன்ற உறுப்பினராக சத்தியப்பிரமாணம்
Local
24 September 2026
அவுஸ்திரேலிய அரசின் Medicare தளத்திற்குள் OpenAI-ன் AI Agent ஊடுருவல் : விசாரணைகள் தீவிரம்!
Local
24 September 2026
பத்தரமுல்லை பொல்துவ சந்தியில் போராட்டம் - கடும் போக்குவரத்து நெரிசல்
Local
24 September 2026
"ஒரு பக்கம் அப்பா படம், மறுபக்கம் அஜித் சேர் படம்..." : இரகசியம் உடைத்த ஜேசன் சஞ்சய்!
Local
24 September 2026
தங்கம் வாங்குவோருக்கு மகிழ்ச்சி செய்தி : மீண்டும் உலக சந்தையில் சடுதியாக சரிந்த விலை!
Local
24 September 2026
திடீரென குறைந்த மசகு எண்ணெய் விலை : மத்திய கிழக்கு போர்ப் பதற்றத்திற்கு மத்தியிலும் திடீர் மாற்றம்!
Local
24 September 2026
கித்துல்கலவில் நீரில் மூழ்கி இளைஞர் உயிரிழப்பு : ஒருவர் மாயம்!
Local
24 September 2026
