මංතීරු නීතිය හෙට සිට

මංතීරුවලින් බැහැරව රථවාහන ධාවනය කරන රියදුරන් අත්අඩංගුවට ගන්නා, මංතීරු නීතිය හෙට සිට ක්‍රියාත්මක කරන බව පොලිස් මූලස්ථානය ප්‍රකාශ කළා. ඒ අනුව හෙට පෙරවරු හයේ සිට ශ්‍රී ජයවර්ධනපුර මාර්ගයේ ජයන්තිපුර සිට කොළඹ දක්වා දිවෙන මංතීරුවල මෙය ක්‍රියාවට නැංවීමට අපේක්ෂා කරන බවයි පොලිස් මාධ්‍ය ප්‍රකාශක රුවන් ගුණසේකර සඳහන් කළේ. එමෙන්ම, කොළඹට ඇතුළුවන අනෙකුත් මාර්ගයන්හිදී ද මෙය ක්‍රියාවට නැංවීමට සැලසුම් කර තිබෙනවා. මෙමඟින් නියමිත මංතීරුවලින් බැහැරව අපරීක්ෂාකාරී ලෙස රථවාහන ධාවනය කරන රියදුරන්ට නීතිය ක්‍රියාත්මක කරන බවයි පොලිස් මාධ්‍ය ප්‍රකාශකවරයා සඳහන් කළේ.