දිවයිනේ නිරිත දිග කොටසට තවදුරටත් තද වැසි

දිවයිනේ නිරිත දිග කොටසේ පවතින වැසි සහිත කාලගුණ තත්ත්වය තවදුරටත් බලාපොරොත්තු වන බව කාලගුණ විද්‍යා දෙපාර්තමේන්තුව පවසනවා.

සබරගමුව, බස්නාහිර, මධ්‍යම සහ වයඹ පළාත් මෙන්ම ගාල්ල සහ මාතර දිස්ත්‍රික්කවල ඇතැම් ස්ථානවලට අද (26) පස්වරුවේ මිලිමීටර් 100 පමණ වූ තද වැසි ඇතිවිය හැකි බවයි එම දෙපාර්තමේන්තුව නිකුත් කළ නිවේදනයක දැක්වෙන්නේ.

එමෙන්ම, මන්නාරම සිට පුත්තලම කොළඹ, ගාල්ල සහ හම්බන්තොට හරහා මඩකලපුව දක්වා වන මුහුුදු ප්‍රදේශ වල තද වැසි ඇතිවන විට සුළඟේ වේගය පැයට කිලෝමීටර් 70 - 80 දක්වා ඉහළ යා හැකි බැවින් ධීවර ප්‍රජාව ඒ පිළිබදව අවධානයෙන් පසුවිය යුතුයි.