කොරෝනා ප්‍රතිශක්තිය ගැන ලෝක සෞඛ්‍ය සංවිධානයෙන් අනතුරු ඇඟවීමක්

%E0%B6%9A%E0%B7%9C%E0%B6%BB%E0%B7%9D%E0%B6%B1%E0%B7%8F+%E0%B6%B4%E0%B7%8A%E2%80%8D%E0%B6%BB%E0%B6%AD%E0%B7%92%E0%B7%81%E0%B6%9A%E0%B7%8A%E0%B6%AD%E0%B7%92%E0%B6%BA+%E0%B6%9C%E0%B7%90%E0%B6%B1+%E0%B6%BD%E0%B7%9D%E0%B6%9A+%E0%B7%83%E0%B7%9E%E0%B6%9B%E0%B7%8A%E2%80%8D%E0%B6%BA+%E0%B7%83%E0%B6%82%E0%B7%80%E0%B7%92%E0%B6%B0%E0%B7%8F%E0%B6%B1%E0%B6%BA%E0%B7%99%E0%B6%B1%E0%B7%8A+%E0%B6%85%E0%B6%B1%E0%B6%AD%E0%B7%94%E0%B6%BB%E0%B7%94+%E0%B6%87%E0%B6%9F%E0%B7%80%E0%B7%93%E0%B6%B8%E0%B6%9A%E0%B7%8A

කොරෝනා වෛරසය ආසාදනය වී සුවය ලැබූ පුද්ගලයන්ට නැවතත් වෛරසය ආසාදනය නොවීම පිළිබඳව සහතික විය නොහැකි බව ලෝක සෞඛ්‍ය සංවිධානය පවසනවා.

මේ නිසා ඔවුන්ට ප්‍රතිශක්තීකරණ බලපත්‍ර නිකුත් නොකරන ලෙස එමඟින් රජයන් වෙත අනතුරු ඇඟවීමක් කළා.

ඒ, ඇතැම් රටවල් වෛරසය ආසාදනය වී සුවය ලැබූ පුද්ගලයන්ට සේවය කළ හැකි බවට සහතික නිකුත් කිරීමට පෙළඹීම හේතුවෙන්. එවැනි පියවරක් තුළින් වෛරසයේ සම්ප්‍රේෂණය ඉහළ යා හැකි බව ලෝක සෞඛ්‍ය සංවිධානයේ අදහසයි.

මේ අතර ලොව පුරා මුස්ලිම්වරුන් බහුතරයක් රාමසාන් උපවාස මාසය සැමරීම ආරම්භ කළේ දේවස්ථානවලට රැස් නොවෙමින්.

මේ නිසා සෞදි අරාබියේ මැකා, මදීනා ඇතුලු ඉස්ලාමීය පූජ්‍ය ස්ථානද ජනයාගෙන් හිස්ව පැවතුණු බව සඳහන්. අරාබි රටවල්ද මේ වනවිට කොවිඩ් - 19 ගෝලීය වසංගතය හේතුවෙන් සමාජ දුරස්ථභාවය රැකීමට පියවර ගෙන තිබෙනවා.

ඕස්ට්‍රේලියානුවන් සහ නවසීලන්තවාසීන් ඊයේ දෙවන ලෝක යුද්ධයේ මියගිය විරුවන් සැමරීමේ ඇන්සැක් දිනය සැමරුවේ එලෙස සමාජ දුරස්ථභාවය පවත්වාගනිමින්.

මේ නිසා ඔවුන් නිවෙස් ඉදිරිපිට පහන් දල්වා මළවුන් සිහිපත් කළා.

මේ අතර රටවල් රැසක් කොරෝනා වෛරසයේ ව්‍යාප්තිය නිසා පැනවූ සීමාවන් ලිහිල් කරමින් නැවතත් ආර්ථික ක්‍රියාකාරකම් ආරම්භ කිරීමට පියවර ගනිමින් සිටින බවයි විදෙස් වාර්තා සඳහන් කළේ.