ශ්‍රී දළදා මාලිගාවේ නිලමේ නැටුම් කණ්ඩායමට බැන්නේ ඇයි ? හේතුව මෙන්න

මහනුවර ඓතිහාසික ශ්‍රී දළදා පෙරහැර මංගල්‍ය පසුගිය 10 වනදා ආරම්භ වු අතර ඊයේ (20) දහවල් කුඹල් පෙරහරින් අවසන් විය.

රන්දෝලි පෙරහර පැවැත්වෙන අවස්ථාවේදී ශ්‍රී දළදා මාලිගාවේ දියවඩන නිලමේ නිලංග දෑල බණ්ඩාර විසින් නැටුම් කණ්ඩායමකට බනින ආකාරයේ විඩියෝවක් මේ වන විට සමාජ මාධ්‍ය තුළ සංසරණය ගැන හිරු නිව්ස් මේ සම්බන්ධයෙන් විමසීමක් සිදු කලා.

දළදා මාලිඟවේ සංස්කීත නිලධාරි, පෙරහැර සම්බන්ධීකරණ ලේකම් ජයම්පති වැද්දාගලගෙන් හිරු නිව්ස් කල විමසීමකදී ඔහු කියා සිටියේ දළදා මාලිගාවේ ප්‍රධාන පරිපාලකයා වශයෙන් දියවඩන නිලමේ නිලංග දෑල බණ්ඩාර විසින් එම නැටුම් කණ්ඩායමට වෙත අවවාද කිරීම ඉතා සාධාරණ බවය.

සිද්ධිය සම්බන්ධයෙන් කිසිදු දෙයක් නොදන්නා පිරිස් පවසන දේ ඉතා අශෝභන බව ඔහු කියා සිටියා.

ඔහු ඒ පිලිබඳව පැහැදිලි කරමින් පවසා සිටියේ අදාළ නැටුම් කණ්ඩායම් දෙක වන සුරසේන පරම්පරාව සහ වේරපිටිය පරම්පරාවය.

එම නැටුම් කණ්ඩායම් දෙක විසින් පෙරහැර තුළදී ඉතා තරඟකාරිව නර්තනයේ යෙදීම මෙම කරුණට හේතු වු බවය.

එය කිහිප වරක්ම දකින්ට ලැබීම හේතුවෙන් ඔවුන් එකිනෙකා වෙනස් මාත්‍රාවල නැටීම නවතා කණ්ඩායම් දෙකම එකම මාත්‍රාවකට නටන ලෙස දියවඩන නිලමේ නිලංග දෑල බණ්ඩාර සම්බන්ධයෙන් මෙහිදී අවවාද කර තිබෙන බවය.

දළදා කරඩුව අසල නර්තනයේ යෙදෙන විට ඉතා සංයමයෙන් යුතුව නැටුම් ඉතිරිපත් කල යුතු බව ඔහු මෙහිදී අවධාරණ කර සිටියා.

එමෙන්ම එම නර්තන කණ්ඩායම් දෙක මීට පෙර පෙරහැර තුලදී ද කරඩුව හා දියවඩන නිලමේ නිලංග දෑල බණ්ඩාරව අතර විශාල පරතරයක් ඇති කිරීමක් සිදුව තිබෙනවා.

දළදා කරඩුව හා නිලමේවරයා සිටිය යුතු වන්නේ දෑස් මායිමේ බවත් එම නැටුම් කණ්ඩායම් දෙක දලදා කරඩුව හා නිලමේවරයා පෙරහැර තුලදී විශාල පරතරයක් ඇති කිරීම සුදුසු නොවන බව දළඳ මාලිගාවේ සංස්කීත නිලධාරි, පෙරහැර සම්බන්ධීකරණ ලේකම්වරයා අප වෙත පවසා සිටියා.

මේ වන විට සමාජ මාධ්‍ය තුළ සංසරණය වන විඩියෝව සම්බන්ධයෙන් ද දළදා මාලිඟවේ සංස්කීත නිලධාරි, පෙරහැර සම්බන්ධීකරණ ලේකම්වරයා කියා සිටියේ එම අවස්ථාව ගැන නොදැන කරුණු දක්වන මහජනතාව නොදරු, අඥාන කුහක මිනිසුන් වන බවය.

ලංකාවේ ථෙරවාදි ගිහි නායකයාට අපහසා කිරීම බෞද්ධ සංස්කෘතික උරුමයට පහර ගැසීමක් බව දළඳ මාලිඟවේ සංස්කීත නිලධාරි, පෙරහැර සම්බන්ධීකරණ ලේකම් ජයම්පති වැද්දාගල හිරු නිව්ස් වෙත වැඩිදුරටත් කියා සිටියා.