E වීසා විගණන මතභේදය ගැන VFS ගෝලීය සමාගමෙන් පැහැදිලි කිරීමක්

E+%E0%B7%80%E0%B7%93%E0%B7%83%E0%B7%8F+%E0%B7%80%E0%B7%92%E0%B6%9C%E0%B6%AB%E0%B6%B1+%E0%B6%B8%E0%B6%AD%E0%B6%B7%E0%B7%9A%E0%B6%AF%E0%B6%BA+%E0%B6%9C%E0%B7%90%E0%B6%B1+VFS+%E0%B6%9C%E0%B7%9D%E0%B6%BD%E0%B7%93%E0%B6%BA+%E0%B7%83%E0%B6%B8%E0%B7%8F%E0%B6%9C%E0%B6%B8%E0%B7%99%E0%B6%B1%E0%B7%8A+%E0%B6%B4%E0%B7%90%E0%B7%84%E0%B7%90%E0%B6%AF%E0%B7%92%E0%B6%BD%E0%B7%92+%E0%B6%9A%E0%B7%92%E0%B6%BB%E0%B7%93%E0%B6%B8%E0%B6%9A%E0%B7%8A

ශ්‍රී ලංකාවේ මාර්ගගත වීසා නිකුත් කිරීමේ ක්‍රමවේදය සම්බන්ධයෙන් විගණකාධිපති කාර්යාලය විසින් ඉදිරිපත් කරන ලද විශේෂ විගණන වාර්තාවට ප්‍රතිචාර දක්වමින්, ගෝලීය වීසා සැකසුම් සේවාව වන VFS Global සමාගම නිවේදනයක් නිකුත් කර තිබෙනවා.

VFS Global සමාගම සඳහන් කළේ, මාර්ගගත වීසා නිකුත් කිරීමේ පද්ධතියට අදාළ විශේෂ විගණනය සඳහා අවශ්‍ය විය හැකි සම්පූර්ණ සහයෝගය සහ ඕනෑම තොරතුරක් සැපයීමට සූදානම් බව 2024 නොවැම්බර් 7 වැනිදා විගණකාධිපති කාර්යාලයට දැනුම් දුන් බවයි.

කෙසේ වෙතත්, මෙයට විගණකාධිපති කාර්යාලයෙන් කිසිදු ප්‍රතිචාරයක් නොලැබුණු බවයි VFS Global සමාගම පවසා ඇත්තේ.

විගණකාධිපති කාර්යාලයට හෝ ශ්‍රී ලංකා රජයේ වෙනත් අදාළ අධිකාරියකට පූර්ණ සහයෝගය ලබා දීමට තමන් දිගටම කැපවී සිටින බව ද එම සමාගම අවධාරණය කරනවා.

VFS Global සමාගම පැහැදිලි කරන්නේ, 2023 දෙසැම්බර් 21 දිනැති වීසා සහ අදාළ සේවා සැපයීම සඳහා වූ ගිවිසුම යටතේ GBS Technology Services & IVS Global FZCO (IVS-GBS) ප්‍රධාන කොන්ත්‍රාත්කරු ලෙස කටයුතු කරන අතර, VFS Global සමාගමට ඇත්තේ සීමිත තාක්ෂණික සහකරුවෙකුගේ භූමිකාවක් පමණක් බවයි.

ගෝලීය වශයෙන්, VFS Global සමාගම සියලු සේවාදායක රජයන් සමග විනිවිදභාවය සහ අඛණ්ඩතාව පවත්වා ගැනීමට ගැඹුරින් කැපවී සිටින අතර, ඒ අනුව ශ්‍රී ලංකාවේ බලයලත් බලධාරීන්ගේ උපදෙස්වලට සම්පූර්ණයෙන්ම අනුකූල වී ඇති බව ද එම නිවේදනයේ වැඩිදුරටත් සඳහන්.