වේවැල්දෙනියේදී බස් රථයක යතුරුපැදියක් ගැටී තරුණයෙක් මියයයි; තරුණියකට බරපතලයි

%E0%B7%80%E0%B7%9A%E0%B7%80%E0%B7%90%E0%B6%BD%E0%B7%8A%E0%B6%AF%E0%B7%99%E0%B6%B1%E0%B7%92%E0%B6%BA%E0%B7%9A%E0%B6%AF%E0%B7%93+%E0%B6%B6%E0%B7%83%E0%B7%8A+%E0%B6%BB%E0%B6%AE%E0%B6%BA%E0%B6%9A+%E0%B6%BA%E0%B6%AD%E0%B7%94%E0%B6%BB%E0%B7%94%E0%B6%B4%E0%B7%90%E0%B6%AF%E0%B7%92%E0%B6%BA%E0%B6%9A%E0%B7%8A+%E0%B6%9C%E0%B7%90%E0%B6%A7%E0%B7%93+%E0%B6%AD%E0%B6%BB%E0%B7%94%E0%B6%AB%E0%B6%BA%E0%B7%99%E0%B6%9A%E0%B7%8A+%E0%B6%B8%E0%B7%92%E0%B6%BA%E0%B6%BA%E0%B6%BA%E0%B7%92%3B+%E0%B6%AD%E0%B6%BB%E0%B7%94%E0%B6%AB%E0%B7%92%E0%B6%BA%E0%B6%9A%E0%B6%A7+%E0%B6%B6%E0%B6%BB%E0%B6%B4%E0%B6%AD%E0%B6%BD%E0%B6%BA%E0%B7%92

කොළඹ - මහනුවර ප්‍රධාන මාර්ගයේ වේවැල්දෙනිය ප්‍රදේශයේදී ඊයේ (21) සිදුවූ රිය අනතුරකින් 21 හැවිරිදි තරුණයෙකු ජීවිතක්ෂයට පත්ව ඇති බව දංඕවිට පොලිසිය පවසනවා.

අනතුරින් යතුරුපැදියේ පසුපැදිකාරිය වූ තරුණියක ද බරපතල තුවාල ලබා රෝහල්ගත කර ඇති බවයි පොලිසිය සඳහන් කරන්නේ.

මහනුවර දෙස සිට කොළඹ දෙසට ධාවනය වූ යතුරුපැදියක්, ප්‍රතිවිරුද්ධ දෙසින් එනම් කොළඹ සිට මහනුවර දෙසට ධාවනය වූ බස් රථයක මුහුණට මුහුණ ගැටීමෙන් මෙම අනතුර සිදුව ඇතැයි පොලිසිය පවසනවා.

අනතුර සිදුවන අවස්ථාවේ යතුරුපැදිය සහ බස් රථය වේවැල්දෙනිය ප්‍රදේශය පසුකරමින් තිබූ බව පොලිස් පරීක්ෂණවලදී අනාවරණය වී තිබෙනවා.

අනතුරින් තුවාල ලැබූ යතුරුපැදිකරු වහාම වරකාපොල රෝහලට ඇතුළත් කර ඇති අතර, එහිදී ඔහු මියගොස් තිබෙනවා.

එලෙස මියගොස් ඇත්තේ දඹුල්ල ප්‍රදේශයේ පදිංචි 21 හැවිරිදි තරුණයෙක්.

මෙහිදී තුවාල ලැබූ පසුපැදිකාරිය මුලින් වතුපිටිවල රෝහලට ඇතුළත් කර ඇති අතර, පසුව ඇයගේ තත්ත්වය අසාධ්‍ය බැවින් වැඩිදුර ප්‍රතිකාර සඳහා කොළඹ ජාතික රෝහල වෙත මාරු කර යවා ඇතැයි වාර්තා වෙනවා.

අනතුරට සම්බන්ධ බස් රථය සහ එහි රියදුරු දංඕවිට පොලිසිය විසින් අත්අඩංගුවට ගෙන ඇති බවයි පොලිස් මූලස්ථානය සඳහන් කරන්නේ.