අමෙරිකා-ඉරාන සටන් විරාමය සති දෙකකින් දීර්ඝ කිරීමට යෝජනා

අමෙරිකාව සහ ඉරානය අතර පවතින ගැටුම්කාරී තත්ත්වය සමනය කර සාමදායක එකඟතාවයකට පැමිණීම සඳහා සති දෙකක කාලයකට සටන් විරාමයක් දීර්ඝ කිරීම කෙරෙහි දෙරටේ අවධානය යොමුව ඇති බව විදෙස් මාධ්‍ය වාර්තා කරනවා.

සාම සාකච්ඡා සඳහා වැඩි කාලයක් ලබා ගැනීමේ අරමුණින් මෙම පියවර ගැනීමට දෙපාර්ශවයම සලකා බලමින් සිටින බව මෙම සාකච්ඡා පිළිබඳ සමීප ආරංචි මාර්ග උපුටා දක්වමින් එම වාර්තා පෙන්වා දෙනවා.

කෙසේ වෙතත්, අමෙරිකානු ජනාධිපති ඩොනල්ඩ් ට්‍රම්ප් මේ සම්බන්ධයෙන් පරස්පර ප්‍රකාශයක් සිදු කර ඇති අතර, ඔහු අවධාරණය කරන්නේ ඉරානය සමඟ එවැනි සටන් විරාමයක් දීර්ඝ කිරීම පිළිබඳව තමන් මෙතෙක් සලකා බලා නොමැති බවයි.