කැලිඩෝ වෙරළේ තිබී හමුවූ ගුරුවරියගේ සිරුර ඥාතීන් හඳුනා ගනී

%E0%B6%9A%E0%B7%90%E0%B6%BD%E0%B7%92%E0%B6%A9%E0%B7%9D+%E0%B7%80%E0%B7%99%E0%B6%BB%E0%B7%85%E0%B7%9A+%E0%B6%AD%E0%B7%92%E0%B6%B6%E0%B7%93+%E0%B7%84%E0%B6%B8%E0%B7%94%E0%B7%80%E0%B7%96+%E0%B6%9C%E0%B7%94%E0%B6%BB%E0%B7%94%E0%B7%80%E0%B6%BB%E0%B7%92%E0%B6%BA%E0%B6%9C%E0%B7%9A+%E0%B7%83%E0%B7%92%E0%B6%BB%E0%B7%94%E0%B6%BB+%E0%B6%A5%E0%B7%8F%E0%B6%AD%E0%B7%93%E0%B6%B1%E0%B7%8A+%E0%B7%84%E0%B6%B3%E0%B7%94%E0%B6%B1%E0%B7%8F+%E0%B6%9C%E0%B6%B1%E0%B7%93

කළුතර දකුණ කැලිඩෝ මුහුදු වෙරළේ තිබී හමුවූ බණ්ඩාරගම ප්‍රදේශයේ පදිංචි ගුරුවරියගේ සිරුර ඇගේ ඥාතීන් විසින් හඳුනාගනු ලැබූ බව කළුතර දකුණ පොලිසිය පවසනවා.

මියගිය කාන්තාවගේ සැමියා සහ මව කළුතර නාගොඩ රෝහලට පැමිණ ඊයේ (02) එම සිරුර හඳුනාගත් බව ද පොලිසිය සඳහන් කළා.

මෙසේ මියගොස් ඇත්තේ බණ්ඩාරගම, වීදියගොඩ, කනත්තගොඩ පදිංචිව සිටි 41 හැවිරිදි නදීෂානි තරංගිකා අමරනායක නමැති එක්දරු මවක්.

පසුගිය 01 වැනිදා කැලිඩෝ වෙරළ තීරයේ කාන්තා මළ සිරුරක් ඇති බවට ලැබුණු නිර්නාමික දුරකථන ඇමතුමක් මත විමර්ශන ආරම්භ කළ බව පොලිසිය පවසනවා.

සිදු කළ මූලික විමර්ශනවලදී අනාවරණය වී ඇත්තේ ඇය පවුල් ආරවුලක් හේතුවෙන් පසුගිය අප්‍රේල් 30 වැනිදා රාත්‍රියේ නිවසින් පිටව ගොස් ඇති බවයි.

කළුතර හදිසි මරණ පරීක්ෂක නිරෝෂා දිලුක්ෂනි විසින් සිද්ධිය වූ ස්ථානයට පැමිණ ස්ථානීය පරීක්ෂණ පවත්වා සිරුර කළුතර නාගොඩ රෝහලේ මෘත ශරීරාගාරය වෙත යොමු කරන ලෙස නියෝග කළා.

මේ පිළිබඳ පශ්චාත් මරණ පරීක්ෂණය නාගොඩ රෝහලේ අධිකරණ වෛද්‍ය නිලධාරි එස්. එස්. අත්නායක විසින් සිදු කරනු ලැබුවා.

මරණයට හේතුව නිශ්චිතව හඳුනා ගැනීමට ඇයගේ රුධිර සාම්පල් වැඩිදුර විමර්ශන කටයුතු සඳහා යොමු කිරීමට පියවර ගෙන තිබෙනවා.

කළුතර දකුණ පොලිසියේ මූලස්ථාන පොලිස් පරීක්ෂක නාලක ගුණසේකරගේ මෙහෙයවීමෙන් පොලිස් සැරයන් (55318) සිල්වා සහ පොලිස් කොස්තාපල් (31060) ඒකනායක යන නිලධාරීන් සිද්ධිය සම්බන්ධයෙන් වැඩිදුර විමර්ශන පවත්වනවා.