අධිකරණයේ ස්වාධීනත්වයට මතුව ඇති තර්ජන පිළිබඳව විපක්ෂයේ මන්ත්‍රීවරුන්ගෙන් නිවේදනයක්

අධිකරණයේ ස්වාධීනත්වයට බරපතල තර්ජනයක් එල්ල වී ඇති බව පවසමින් විපක්ෂයේ මන්ත්‍රීවරුන් පිරිසක් මාධ්‍ය නිවේදනයක් නිකුත් කර තිබෙනවා.

පසුගිය මැයි දින රැළියේදී ජනාධිපතිවරයා විසින් කරන ලද ප්‍රකාශයක් පදනම් කරගනිමිනුයි මෙම නිවේදනය නිකුත් කර ඇත්තේ.

ඒ අනුව, එම නිවේදනය සඳහා විපක්ෂ නායක සජිත් ප්‍රේමදාස, පා.ම. දිලිත් ජයවීර, පා.ම. චාමර සම්පත් දසනායක, පා.ම. ගයන්ත කරුණාතිලක සහ පා.ම. හර්ෂණ රාජකරුණා ඇතුළු රැසක් මේ සඳහා සිය අත්සන යොදා තිබෙනවා.

එසේම රජය අධිකරණය ඉලක්ක කර ගනිමින් කරනු ලබන ප්‍රකාශ වහාම නතර කළ යුතු බවත්, ජනාධිපතිවරයා කළ ප්‍රකාශය ඉල්ලා අස්කර ගත යුතු බවයි ඔවුන් එම නිවේදනයේ සඳහන් කර ඇත්තේ.

අධිකරණයේ ස්වාධීනත්වයට ගරු කිරීමට වචනයෙන් හා ක්‍රියාවෙන් ජනාධිපතිවරයා ප්‍රමුඛ ආණ්ඩුව ක්‍රියා කළ යුතුයි බවයි එම නිවේදනයේ වැඩිදුරටත් සඳහන් කර තිබෙන්නේ.

එම නිවේදනය මෙතැනින්,