Share Post
ජාතික රණවිරු සැමරුම් දින උත්සවය සඳහා මහින්ද රාජපක්ෂ ජනාධිපතිවරයාට නිළ ආරාධනයක් කර ඇති බවට අමාත්ය උපාලි පන්නලගේ විසින් ජනමාධ්ය වෙත කර ඇති ප්රකාශය සම්පූර්ණ අසත්ය ප්රකාශයක් බව ජනාධිපති මහින්ද රාජපක්ෂගේ මාධ්ය ප්රකාශක නිතීඥ මනෝජ් ගමගේ පවසනවා.
හෙට (19) දිනට යෙදී ඇති විජයග්රහණයේ සැමරුම සඳහා පස්වැනි විධායක ජනාධිපති මහින්ද රාජපක්ෂ මහතාට එවැනි කිසිදු ආකාරයක ආරාධනයක් ලැබී නොමැති බව ද මාධ්ය ප්රකාශකවරයා සඳහන් කරනවා.
මාධ්ය වෙත අදහස් දක්වමින් නිතීඥ ගමගේ මහතා සඳහන් කරන්නේ, මහින්ද රාජපක්ෂ ජනාධිපතිවරයාට ආරාධනයක් කළ බවට සඳහන් කරමින් මේ රටේ ජනතාව නොමග යැවීමට අදාල අමාත්යවරයා සැරසෙන බවයි.
මෙහිදී වැඩිදුරටත් අදහස් දැක්වූ මාධ්ය ප්රකාශකවරයා මෙසේද පැවසුවා.
“අපි දැක්කා අමාත්ය උපාලි පන්නලගේ විසින් ජනමාධ්ය වෙත ප්රකාශයක් කරනු ලැබුවා හෙට දින පැවැත්වෙන විජයග්රහණයේ සමරුව සඳහා පස්වැනි විධායක ජනාධිපති මහින්ද රාජපක්ෂ මැතිතුමාට ආරාධනයක් කර ඇති බවට. මේක සම්පූර්ණයෙන්ම අසත්ය ප්රකාශයක්. මේ මොහොත වන තුරුම එවැනි කිසිදු ආකාරයක ආරාධනයක් මේ සන්ධ්යා යාමය වනතෙක් අප වෙත ලැබිලා නැහැ. ඉතිං ඒක නිසා ඒ කතාව සම්පූර්ණයෙන්ම අපි ප්රතික්ෂේප කරනවා. මේ රටේ ජනතාව නොමග යවන්න එපා.
අන් කාලවලදී අපි දැකලා තියෙනවා ජනාධිපති ලේකම් කාර්යාලයෙන් එහෙම නැත්නම් ආරක්ෂක අමාත්යාංශයෙන් ජනාධිපතිවරයා වෙත එවැනි නිල ආරාධනා ලැබෙනවා. නමුත් මාලිමා ආණ්ඩුව යටතේ එවැනි දැනුම්දීමක් ලැබිලා නැහැ කියලා අපි ප්රකාශ කරනවා. ඒ වගේම උපාලි පන්නිලගේ අමාත්යවරයා යම් උපහාසයකින් වගේ කිව්වා අනිත් ජනාධිපතිවරුන්ට වගේම අපි ආරාධනා කළා. මහින්ද ජනාධිපතිතුමාගේ විශේෂයක් නැහැ කියලා. මං හිතන්නේ අද දවස තමයි හරියටම විජයග්රහණයේ දවස. ඒ විජයග්රහණයේ දවසේ ප්රභාකරන් මියගිය එකට හිත රිදෙන අයට එක වළක්වන්න ද කොහෙද හෙට දවසේ විජයග්රහණය දාගෙන.
මං හිතන්නේ එතුමාලට මහින්ද ජනාධිපතිතුමා විශේෂයක් නොවුණාට මේ රටේ ජනතාව දන්නවා තිස් අවුරුදු යුද්ධය ඉවර කරලා ඒකට නායකත්වය දුන්නේ, සේනාධිනායකයා ලෙස කටයතු කළේ, මහින්ද ජනාධිපතිතුමා. මං හිතන්නේ මාලිමා ආණ්ඩුවේ අමාත්යවරුන්ට ඕන වුණා එතුමාව ඉතිහාසයෙන් මකා දමන්න. එතුමාගේ නම යුද ජයග්රහණයත් එක්ක රන් අකුරෙන් ලියැවෙන එක කාටවත් මකා දාන්න ලැබෙන්නේ නැහැ.
ඉතිං ඒ නිසා අපි කියනවා මේ රටේ ජනතාව නොමග යවන්න එපා. ඔබතුමාලට මහින්ද ජනාධිපතිතුමා විශේෂයක් නොවෙන්න පුළුවන්. හැබැයි අද දවසේ හරි විජයග්රහණය සැමරිය යුතු අද දවසේ ප්රභාකරන් ඇතුළු එල්ටීටීඊ ත්රස්තවාදය සහමුලින්ම විනාශ කරන්න නායකත්වය දුන්න මහින්ද ජනාධිපතිතුමා මේ රටේ ජනතාවට විශේෂයි.”
Latest News
ආර්ජන්ටිනාව පරදා ස්පාඤ්ඤය 2026 පාපන්දු ලෝක ශූරයින් ලෙස කිරුළු පළඳී
Local
20 July 2026
"ට්රම්ප්ගේ අත්සන ශුන්යයි, කිසිදු වටිනාකමක් නෑ" - ඉරාන උත්තරීතර නායකයාගෙන් දැඩි ප්රකාශයක්
Local
19 July 2026
අධිවේගයේ බස් රථ ගින්න නිසා කොළඹින් එන වාහන වැලිපැන්නෙන් පිටවන්නැයි උපදෙස්
Local
19 July 2026
පාපන්දු කුසලාන අවසන් තරගය නිසා කේරළයේ පාසල්වලට හෙට විශේෂ නිවාඩුවක්
Local
19 July 2026
දක්ෂිණ අධිවේගී මාර්ගයේ බස් රථයක් ගිනිබත් වෙයි: කොට්ටාව සිට ගාල්ල දෙසට දැඩි රථවාහන තදබදයක්
Local
19 July 2026
මාතර ඩිෆෙන්ඩර් අනතුරින් මියගිය ගණන 2ක් දක්වා ඉහළට : 5කට තුවාලයි
Local
19 July 2026
116 දෙනෙකු රැගත් යාත්රාවක් ගයනාවේදී අනතුරට ලක් වෙයි
Local
19 July 2026
මාලිමා රජය ප්රජාතන්ත්රවාදය විනාශ කරමින් ඒකාධිපති ආඥාදායක තනි පක්ෂ පාලනයක් නිර්මාණය කිරීමට උත්සාහ කරනවා - විපක්ෂ නායක සජිත් ප්රේමදාස
Local
19 July 2026
කොරතොට වෙඩි තැබීමට මුදල් දුන් පුද්ගලයා සහ යතුරුපැදිකරු අත්අඩංගුවට
Local
19 July 2026
මාතර වැල්ලමඩමදී ඩිෆෙන්ඩරයක් ලොරියක ගැටෙයි: රියදුරු ජීවිතක්ෂයට, 6කට තුවාලයි
Local
19 July 2026
