වනාතවිල්ලුව ප්‍රාදේශීය සභාවේ සභාපති ධුරය සමගි ජනබලවේගයට

වනාතවිල්ලුව ප්‍රාදේශීය සභාවේ සභාපතිවරයා ලෙස සමගි ජනබලවේගයේ වර්ණකුලසූරිය වින්සන් ප්‍රැන්සිස් අද (27) තේරී පත්වුණා.

සභාපතිවරයා තෝරාගැනීම සඳහා පැවති රහස් ඡන්දයේදී ඔහුට ඡන්ද 10ක් හිමිවූ අතර, ජාතික ජන බලවේගයේ අපේක්ෂකයාට හිමිවුණේ ඡන්ද 08ක් පමණයි.

උපසභාපතිවරයා තෝරාගැනීම සඳහා විවෘත ඡන්ද විමසීමක් පැවැත්වූ අතර, එහිදී සමගි ජනබලවේගයේ සහයෙන් ජාතික ජන බලවේගයේ අපේක්ෂකයා ඡන්ද 11ක් ලබා උප සභාපති ධුරයට පත්ව තිබෙනවා.

එහිදී ජාතික ජනබලවේගයේ අපේක්ෂකයාට හිමි වුණේ ඡන්ද 06ක් පමණයි.

පළාත් පාලන ඡන්ද විමසීමෙන් අනතුරුව මෙම ප්‍රාදේශීය සභාවේ ඡන්ද විමසීමට එරෙහිව පාර්ශවයක් අධිකරණ ක්‍රියාමාර්ග ගැනීම හේතුවෙනුයි සභාපතිවරයා තෝරාගැනීමේ ඡන්ද විමසීම කල් යනු ලැබුවේ.