අධ්‍යාපනවේදී උපාධිධාරීන් ජනාධිපති ලේකම් කාර්යාලයට

රාජ්‍ය විශ්වවිද්‍යාලයන්හි අධ්‍යාපන විශේෂවේදී උපාධිධාරීන් අද (08) පෙරවරුවේ ජනාධිපති ලේකම් කාර්යාලය ඉදිරිපිට විරෝධතාවක නිරතවුණා.

ඒ, අධ්‍යාපනවේදී උපාධිධාරීන් කඩිනමින් ගුරු සේවයට අන්තර්ග්‍රහණය කරන ලෙස ඉල්ලමින්.

අනතුරුව, ගැටලුව සම්බන්ධයෙන් ජනාධිපති ලේකම් කාර්යාලයේ ඉහළ නිලධාරියෙකු සමග සාකච්ඡා කිරීම සඳහා නියෝජිතයින් පිරිසක් වෙත අවස්ථාව හිමිවුණා.

මේ අතර, පිටකොටුව මධ්‍යම බස් නැවතුම්පොළේ ජංගම වෙළෙඳ සංගමය අද පෙරවරුවේ ජනාධිපතිවරයා වෙත ලිපියක් භාරදීම සඳහා ජනාධිපති ලේකම් කාර්යාලයට පැමිණියා.

ඒ, ජංගම වෙළෙඳුන්ගේ රැකියා අහිමිවීමේ දැඩි අර්බුදකාරී තත්ත්වයට කඩිනම් විසඳුම් ලබාදෙන ලෙස ඉල්ලමින්.