කුඹුක්කන් ඔයේ දිය නෑමට ගිය තරුණයෙක් දියේ ගිලී මරුට

%E0%B6%9A%E0%B7%94%E0%B6%B9%E0%B7%94%E0%B6%9A%E0%B7%8A%E0%B6%9A%E0%B6%B1%E0%B7%8A+%E0%B6%94%E0%B6%BA%E0%B7%9A+%E0%B6%AF%E0%B7%92%E0%B6%BA+%E0%B6%B1%E0%B7%91%E0%B6%B8%E0%B6%A7+%E0%B6%9C%E0%B7%92%E0%B6%BA+%E0%B6%AD%E0%B6%BB%E0%B7%94%E0%B6%AB%E0%B6%BA%E0%B7%99%E0%B6%9A%E0%B7%8A+%E0%B6%AF%E0%B7%92%E0%B6%BA%E0%B7%9A+%E0%B6%9C%E0%B7%92%E0%B6%BD%E0%B7%93+%E0%B6%B8%E0%B6%BB%E0%B7%94%E0%B6%A7

මැදගම පොලිස් වසමට අයත් කුඹුක්කන් ඔයේ දිය නෑමට ගිය පුද්ගලයෙකු ඊයේ (07) දියේ ගිලී ජීවිතක්ෂයට පත්ව ඇතැයි මැදගම පොලිසිය පවසනවා.

මෙසේ දියේ ගිලී මියගොස් ඇත්තේ රත්තනදෙණිය ප්‍රදේශයේ පදිංචිව සිටි 37 හැවිරිදි තරුණයෙක්.

පොලිසිය විසින් සිදු කරන ලද මූලික විමර්ශනවලදී අනාවරණය වී ඇත්තේ, මරණකරු සිය මව සහ තවත් ඥාතීන් කිහිප දෙනෙකු ද සමඟ කුඹුක්කන් ඔයේ දිය නාමින් සිට ඇති බවයි.

එහිදී ඔහු අනපේක්ෂිත ලෙස දියේ ගිලී ඇති අතර, අනතුර සිදුවූ වහාම ක්‍රියාත්මක වූ ප්‍රදේශවාසීන් ඔහු ගොඩට ගෙන මැදගම රෝහලට ඇතුළත් කිරීමට පියවර ගෙන තිබුණා. එහෙත් රෝහලට ඇතුළත් කරන විටත් ඔහු මියගොස් ඇති බවයි පොලිසිය සඳහන් කරන්නේ.

දැනට මියගිය පුද්ගලයාගේ මෘත ශරීරය මැදගම රෝහලේ මෘත ශරීරාගාරයේ තැන්පත් කර ඇති අතර, සිද්ධිය සම්බන්ධයෙන් මැදගම පොලිසිය විසින් වැඩිදුර විමර්ශන කටයුතු සිදු කරනු ලබනවා.