හිටපු ඇමති එස්.එම්. චන්ද්‍රසේනට කොළඹ මහාධිකරණය හමුවේ අධිචෝදනා

දූෂණ චෝදනා සම්බන්ධයෙන් චෝදනා ලැබ සිටි හිටපු අමාත්‍ය එස්.එම්. චන්ද්‍රසේනට එරෙහිව අල්ලස් කොමිසම විසින් කොළඹ මහාධිකරණ හමුවේ අධි චෝදනා ගොනු කර තිබෙනවා. 

විත්තිකාර හිටපු අමාත්‍ය චන්ද්‍රසේනට එරෙහිව අල්ලස් කොමිසම විසින් අධි චෝදනා දෙකක් ඉදිරිපත් කර තිබෙනවා

2014 වසරේ ජනවාරි මස 1 වනදා සිට 2014 වසරේ දෙසැම්බර් 31 වනදා අතර කාල සීමාව තුළ අනුරාධපුර දිස්ත්‍රික්කයේ දිළිඳු ගොවීන්ට සහනදායි මිලට ලබා දීම රජයේ වියදමින් ගෙන්වන ලද බඩ ඉරිඟු බීජ කිලෝග්‍රෑම් 36,000ක් දිස්ත්‍රික් ලේකම් කාර්යාලයේ ක්‍රම සම්පාදන අධ්‍යක්ෂ ඇතුළු නිලධාරීන්ට බලපෑම් කරමින් සිය දේශපාලන හිතවතුන් අතර බෙදා දීම තුළින් අල්ලස් පනතේ 70 වගන්තිය යටතේ දඬුවම් ලැබිය යුතු වරදක් වන දූෂණය නමැති වරද සිදු කර ඇති බව චෝදනා කරමින් අල්ලස් කොමිසම විසින් හිටපු අමාත්‍යවරයාට එරෙහිව මෙම චෝදනා ගොනුකර තිබෙනවා.