කටුනායකින් කෝටි 37.7ක මත්ද්‍රව්‍ය තොගයක් අල්ලයි : 23 හැවිරිදි විදේශිකයෙක් අත්අඩංගුවට

කටුනායක බණ්ඩාරනායක ජාත්‍යන්තර ගුවන්තොටුපොළේදී (BIA) රුපියල් මිලියන 377කට අධික වටිනාකමකින් යුත් හෑෂ් මත්ද්‍රව්‍ය තොගයක් මෙරට තුළට රැගෙන ඒමට උත්සාහ කළ විදේශීය ජාතිකයෙකු රේගු නිලධාරීන් විසින් අත්අඩංගුවට ගෙන තිබෙනවා.

මෙලෙස අත්අඩංගුවට ගෙන ඇත්තේ 23 හැවිරිදි ඩොමිනිකන් (Dominican) ජාතිකයෙක්.

රේගු නිලධාරීන් විසින් සිදුකළ පරීක්ෂාවකදී සැකකරු සන්තකයේ තිබී සොයාගත් මෙම හෑෂ් මත්ද්‍රව්‍ය තොගයේ මුළු බර කිලෝග්‍රෑම් 37ක් පමණ වන බවයි වාර්තා වන්නේ.

එම මත්ද්‍රව්‍ය තොගයේ සමස්ත වටිනාකම රුපියල් මිලියන 377ක් (රුපියල් කෝටි 37.7ක්) පමණ වන බවයි රේගුව සඳහන් කළේ.