ඉරානය සමග සාම සාකච්ඡාවලට අමෙරිකානු උප ජනපති ජේ.ඩී. වෑන්ස් ස්විට්සර්ලන්තයට

අමෙරිකා එක්සත් ජනපද උප ජනාධිපති ජේ.ඩී. වෑන්ස් (JD Vance) ඉරාන රාජ්‍ය නිලධාරීන් සමග තීරණාත්මක සාම සාකච්ඡා වටයකට සහභාගි වීම සඳහා අද (21) ස්විට්සර්ලන්තය බලා ගොස් තිබෙනවා.

මෙම සංචාරය දින කිහිපයකින් යුත් සාම සාකච්ඡා ක්‍රියාවලියක ආරම්භය වනු ඇති බව උප ජනාධිපතිවරයා ප්‍රකාශ කරනවා.

වොෂින්ටනය සහ ටෙහෙරානය අතර පවතින රාජ්‍ය තාන්ත්‍රික සබඳතා සහ කලාපීය ස්ථාවරත්වය පිළිබඳව මෙහිදී දීර්ඝ වශයෙන් අවධානය යොමු කිරීමට නියමිතයි.

ස්විට්සර්ලන්තයේ ලුසර්න් (Lucee) නගරය අසල පිහිටි එම්මෙන් ගුවන් තොටුපළ වෙත ළඟා වූ උප ජනාධිපතිවරයා ඇතුළු දූත පිරිස පිළිගැනීමෙන් අනතුරුව, දෙපාර්ශවය අතර පවතින මතභේදාත්මක කරුණු නිරවුල් කරගැනීම වෙනුවෙන් මෙම තාක්ෂණික මට්ටමේ සාකච්ඡා ආරම්භ කිරීමට සියලු කටයුතු සූදානම් කර ඇති බවයි විදෙස් මාධ්‍ය වාර්තා කරන්නේ.