Share Post
ජීවිත 10 ක් නූලෙන් බේරෙයි
පුත්තලම - තිල්අඩිය ප්රදේශයේදී අද (24) වෑන් රථයක් මාර්ගයෙන් ඉවතට පැන, ත්රීරෝද රථයක ද ගැටෙමින් ගොඩනැගිල්ලක වැදී නැවතීමෙන් සිදු වූ දරුණු අනතුරකින් තුවාල ලැබූ පස් දෙනෙකු පුත්තලම මූලික රෝහලට ඇතුළත් කර ඇති බව පුත්තලම මූලස්ථාන පොලිසිය පවසනවා.
මෙසේ අනතුරට ලක්ව ඇත්තේ අනුරාධපුරයේ වන්දනාවේ ගොස් ආපසු මීගමුව බලා ධාවනය වෙමින් තිබූ වෑන් රථයක්.
අනතුර සිදුවන අවස්ථාවේදී මෙම වෑන් රථය පදවා ඇත්තේ කාන්තාවක බව ද පොලිසිය සඳහන් කරනවා.
පොලිස් පරීක්ෂණවලට අනුව, මෙම වෑන් රථය අනුරාධපුර සිට මීගමුව දක්වා ගමන් කරමින් සිටියදී පුත්තලම තිල්අඩිය ප්රදේශයේදී නොසිතූ ලෙස මෝටර් රථයක් මාර්ගය හරහා අනෙක් දිශාවට ධාවනය කර තිබෙනවා.
එහිදී වෑන් රථය පැදවූ කාන්තාව තම රථය මෝටර් රථයේ ගැටීමෙන් බේරා ගැනීමට උත්සාහ කර තිබුණා.
එම අවස්ථාවේදී වෑන් රථය පාලනයෙන් ගිලිහී ගොස්, පාලවිය දෙසින් පැමිණි ත්රීරෝද රථයක ද ගැටෙමින් මාර්ගයේ ප්රතිවිරුද්ධ දිශාවේ තිබූ ගොඩනැගිල්ලක වැදී නැවතී තිබෙනවා.
අනතුරින් වෑන් රථයේ ගමන් කරමින් සිටි හය දෙනෙකුගේ ජීවිත බේරී තිබෙනවා.
වෑන් රථය ගොඩනැගිල්ලේ වැදී නැවතුණේ එහි ආවරණය සඳහා යොදා තිබූ වීදුරු ද කුඩු කරගෙන ඉදිරියට ඇදී යාමෙන් පසුවයි.
ඒ වන විට එම ගොඩනැගිල්ල තුළ සේවය කරමින් සිටි සේවිකාවක ඇතුළු පිරිසකගේ ජීවිත ද හාස්කමකින් මෙන් නූලෙන් බේරී ඇති බවයි පොලිසිය පවසන්නේ.
අනතුර සිදුවන අවස්ථාවේදී එම ගොඩනැගිල්ලේ සේවිකාව වෑන් රථය කඩා වැදුණු ස්ථානයේ සිට අඩි කිහිපයක් දුරින් මේසයක් මත ලිපිගොනු සකසමින් සිට ඇති බව අනාවරණය වී තිබෙනවා.
ඇය රැඳී සිටි ස්ථානයේ වීදුරු ආවරණය සම්පූර්ණයෙන්ම කුඩු වී ගොස් තිබූ අතර, යම් හෙයකින් එම වීදුරු කැබලි ඇය දෙසට විසි වී ආවා නම් ඇය එම ස්ථානයේදීම මරණයට පත්වීමට පවා ඉඩ තිබූ බව පොලිසිය පවසනවා.
මෙම දරුණු රිය අනතුර හේතුවෙන් වෑන් රථයේ ගැටුණු ත්රීරෝද රථයේ ගමන් කළ තිදෙනෙකු සහ වෑන් රථයේ සිටි දෙදෙනෙකු ඇතුළුව පස් දෙනෙකු තුවාල ලබා රෝහල්ගත කර තිබෙනවා.
කෙසේ වෙතත්, වෑන් රථයේ සිටි පිරිස, ත්රීරෝද රථයේ සිටි පිරිස සහ ගොඩනැගිල්ලේ සිටි සේවකයින් ද ඇතුළුව ජීවිත 10 ක්ම මෙම අනතුරෙන් නූලෙන් බේරී ඇති බව පොලිස් පරීක්ෂණවලදී වැඩිදුරටත් හෙළි වී තිබෙනවා.
Latest News
පුත්තලම තිල්අඩිය ප්රදේශයේදී වෑන් රථයක් ත්රීරෝද රථයක සහ ගොඩනැගිල්ලක ගැටෙයි: පස් දෙනෙකු රෝහලට!
Local
24 June 2026
වන අලි තර්ජනයට විසඳුම් ඉල්ලා දඹුල්ලේදී ජනතාව උද්ඝෝෂණයක!
Local
24 June 2026
2025 (2026) අ.පො.ස. සාමාන්ය පෙළ සහතික පත්ර නිකුත් කිරීම ගැන විභාග දෙපාර්තමේන්තුවෙන් විශේෂ නිවේදනයක්
Local
24 June 2026
බෝබුවල මනුෂ්ය ඝාතනය: වසර 20 කට පසු විත්තිකරුවන් දෙදෙනෙකුට මරණ දඬුවම!
Local
24 June 2026
පොසොන් සතිය වෙනුවෙන් අනුරාධපුරයේ පාසල් 12 ක් අනිද්දා සිට වැසේ:
Local
24 June 2026
පලස්තීනයේ සෞඛ්ය පද්ධතිය බේරාගැනීමට ඉන්දියාවේ සහය පතා හදිසි ඉල්ලීමක්
Local
24 June 2026
ජාතික පාරිසරික (සංශෝධන) පනත් කෙටුම්පත දෙවන වර කියවීම වැඩි ඡන්ද 103 කින් සම්මත වෙයි
Local
24 June 2026
පක්ෂ උපදෙස් කඩ කළැයි තලවකැලේ ලිඳුල නාගරික මන්ත්රීවරයෙක් ධූරයෙන් ඉවතට
Local
24 June 2026
ගාල්ල චතූගේ නිවසට ගිනි තැබීම ගැන විමර්ශනයක්
Local
24 June 2026
පුස්තකාල කා:කා:ස තනතුරක් ලබා දෙන්න අල්ලස් ගත්තැයි පුද්ගලයෙක් රිමාන්ඩ්
Local
24 June 2026
