ජල සැපයුම් විසන්ධි කිරීමේ සතියක්

ජල බිල්පත්වල පවතින හිඟ මුදල් අයකරගැනීමේ විශේෂ වැඩසටහනක් ලබන සතියේ සිට ක්‍රියාත්මක බව ජාතික ජල සම්පාදන හා ජලාපවහන මණ්ඩලය පවසනවා.

ලබන 13 වැනිදා සිට 19 වැනිදා දක්වා ක්‍රියාත්මක එම වැඩසටහන නම් කර ඇත්තේ ජල සැපයුම් විසන්ධි කිරීමේ සතිය ලෙසින්.

එම වැඩසටහන ප්‍රධාන වශයෙන් ප්‍රදේශ කිහිපයක් කේන්ද්‍ර කරගෙන ක්‍රියාත්මක කෙරෙන අතර කොළඹ 01 සිට කොළඹ 15 දක්වා සියලු ප්‍රදේශ මෙන්ම මහරගම හා කෝට්ටේ කලාප ඊට අයත් වනවා.

ඒ අනුව, ජල සැපයුම අඛණ්ඩව පවත්වාගෙන යාම සඳහා බිල්පත්වල හිඟ මුදල් ලබන 13 වැනි දිනට පෙර ගෙවා නිමකරන ලෙසයි ජල සම්පාදන මණ්ඩලය ජල පාරිභෝගිකයන්ගෙන් ඉල්ලා සිටින්නේ.