ලක්ෂ 32ක මත්ද්‍රව්‍ය සමඟ මහා පරිමාණ ජාවාරම්කරුවෙක් වැල්ලම්පිටියේදී STF දැලට

%E0%B6%BD%E0%B6%9A%E0%B7%8A%E0%B7%82+32%E0%B6%9A+%E0%B6%B8%E0%B6%AD%E0%B7%8A%E0%B6%AF%E0%B7%8A%E2%80%8D%E0%B6%BB%E0%B7%80%E0%B7%8A%E2%80%8D%E0%B6%BA+%E0%B7%83%E0%B6%B8%E0%B6%9F+%E0%B6%B8%E0%B7%84%E0%B7%8F+%E0%B6%B4%E0%B6%BB%E0%B7%92%E0%B6%B8%E0%B7%8F%E0%B6%AB+%E0%B6%A2%E0%B7%8F%E0%B7%80%E0%B7%8F%E0%B6%BB%E0%B6%B8%E0%B7%8A%E0%B6%9A%E0%B6%BB%E0%B7%94%E0%B7%80%E0%B7%99%E0%B6%9A%E0%B7%8A+%E0%B7%80%E0%B7%90%E0%B6%BD%E0%B7%8A%E0%B6%BD%E0%B6%B8%E0%B7%8A%E0%B6%B4%E0%B7%92%E0%B6%A7%E0%B7%92%E0%B6%BA%E0%B7%9A%E0%B6%AF%E0%B7%93+STF+%E0%B6%AF%E0%B7%90%E0%B6%BD%E0%B6%A7

රුපියල් ලක්ෂ 32කට ආසන්න වටිනාකමකින් යුතු හෙරොයින්, අයිස් සහ මත්පෙති තොගයක් සමඟ මහා පරිමාණ මත්ද්‍රව්‍ය ජාවාරම්කරුවෙකු වැල්ලම්පිටිය ප්‍රදේශයේදී විශේෂ කාර්ය බලකාය විසින් ඊයේ (08) අත්අඩංගුවට ගෙන තිබෙනවා.

විශේෂ කාර්ය බලකාය ජයවර්ධනපුර කඳවුරේ ස්ථාපිත විශේෂ මෙහෙයුම් ඒකකය II ට අනුයුක්ත නිලධාරීන්ට ලැබුණු බුද්ධි තොරතුරකට අනුව මෙම වැටලීම සිදුකර තිබෙනවා.

වැල්ලම්පිටිය පොලිස් වසමේ උමගිලිය මහජන ක්‍රීඩාංගනය ආසන්නයේ පිහිටි ජල ටැංකිය අසලදී මෙම වැටලීම සිදුකර ඇති අතර, එහිදී මත්ද්‍රව්‍ය ජාවාරමේ යෙදී සිටි සැකකරු නිලධාරීන්ගේ අත්අඩංගුවට පත්ව තිබෙනවා.

අයිස් මත්ද්‍රව්‍ය: ග්‍රෑම් 120 යි මිලිග්‍රෑම් 710 ක්, හෙරොයින්: ග්‍රෑම් 112 ක් සහ ඩාන්සින් මත්පෙති 25 ක් සමග මෙසේ අත්අඩංගුවට ගෙන ඇත්තේ කොළොන්නාව, දහම්පුර ප්‍රදේශයේ පදිංචි වයස අවුරුදු 35ක පුද්ගලයෙක්.

අත්අඩංගුවට ගත් සැකකරු සහ මත්ද්‍රව්‍ය තොගය ඉදිරි වැඩිදුර විමර්ශන කටයුතු සඳහා වැල්ලම්පිටිය පොලිස් ස්ථානය වෙත භාර දී ති‍බෙනවා.