ශ්‍රී ලංකාව සහ පාකිස්ථානය අතර තවත් සහයෝගීතාවක්

ශ්‍රී ලංකාව සහ පාකිස්ථානය අතර ගුවන් හා වරාය සහයෝගිතාව තවදුරටත් ශක්තිමත් කිරීමට අවධානය යොමුව තිබෙනවා.

ඒ වරාය, සිවිල් ගුවන්සේවා සහ බලශක්ති අමාත්‍ය අනුර කරුණාතිලක සහ පාකිස්තාන ආරක්ෂක ලේකම් ලුතිනන් ජෙනරාල් මුහම්මද් අලි ප්‍රමුඛ නියෝජිත පිරිසක් අතර පැවති හමුවකදීයි.

දෙරට අතර ගුවන් සම්බන්ධතා වැඩිදියුණු කිරීම, ගුවන් ගමන් වාර සංඛ්‍යාව ඉහළ දැමීම, වරාය හා සමුද්‍රීය ක්ෂේත්‍රයේ දැනුම හා අත්දැකීම් හුවමාරු කර ගැනීම, මෙහෙයුම් කාර්යක්ෂමතාව ඉහළ නැංවීම යන කරුණු පිළිබඳව එහිදී අවධානය යොමු වුණා.