අධිකරණ අමාත්‍යාංශයෙන් මරණයට කැපවූ ගවයකුට ජීවිත දානය දෙයි

අධිකරණ සහ ජාතික ඒකාබද්ධතා අමාත්‍යාංශයේ ප්‍රසම්පාදන අංශය මගින් දෙවන වරටත් සංවිධානය කරන ලද, මරණයට කැපවූ ගවයකුට ජීවිත දානය ලබාදී නිදහස් කිරීමේ මහා පුණ්‍ය කර්මය පසුගියදා (22) අධිකරණ අමාත්‍යාංශ පරිශ්‍රයේදී පැවැත්වුණා.

මෙම අභයදාන පුණ්‍ය කර්මය අධිකරණ සහ ජාතික ඒකාබද්ධතා අමාත්‍යාංශයේ ලේකම්, ජනාධිපති නීතිඥ අයෙෂා ජිනසේනගේ ප්‍රධානත්වයෙන් පවත්වා තිබෙනවා.

අභයදානය ලැබූ ගවයා සුරක්ෂිතව රඳවා තැබීම සඳහා යොමු කිරීමට කටයුතු කර ඇති අතර, මෙම අවස්ථාවට අමාත්‍යාංශයේ ජ්‍යෙෂ්ඨ නිලධාරීන් ඇතුළු විශාල පිරිසක් සහභාගී වී සිටියා.