SI මේකප් ආර්ටිස්ට්: ශ්‍රී ලංකා පොලිසියෙන් වේෂ නිරූපණ ශිල්පී ඇතුලු නව රැකියා ඇබෑර්තු 383ක්

ශ්‍රී ලංකා පොලිස් දෙපාර්තමේන්තුවේ විවිධ කාර්මික, මාධ්‍ය, තාක්ෂණික සහ සහායක ක්ෂේත්‍රවල පවතින පුරප්පාඩු 383ක් සඳහා සුදුසුකම් ලත් ශ්‍රී ලාංකිකයින්ගෙන් අයදුම්පත් කැඳවීමට කටයුතු කර තිබෙනවා.

පොලිස් දෙපාර්තමේන්තුවේ මාධ්‍ය, සන්නිවේදන සහ තාක්ෂණික මෙහෙයුම් වඩාත් කාර්යක්ෂම කිරීමේ අරමුණින් මෙම බඳවා ගැනීම් සිදුකරන අතර, සාම්ප්‍රදායික පොලිස් නිලධාරී තනතුරුවලට අමතරව විශේෂිත වෘත්තීය ක්ෂේත්‍ර රැසක් සඳහා මෙහිදී අවස්ථාව හිමිව තිබීම විශේෂත්වයක්.

හිස්ව පවතින ප්‍රධාන තනතුරු අතර වෙබ් සංස්කාරකවරුන් (Web Editors), තාක්ෂණික සහ පරිගණක ශිල්පීන්, වේශ නිරූපණ ශිල්පීන් (Makeup Artists) සහ සෞන්දර්යාත්මක ශිල්පීන්ද ඇතුළත්.

අදාළ තනතුරුවලට අදාළ වෘත්තීය සුදුසුකම්, අධ්‍යාපන මට්ටම සහ පළපුරුද්ද මත පදනම්ව අයදුම්කරුවන් තේරී පත් කර ගන්නා අතර අදාළ තනතුරුවලට අදාළ සවිස්තරාත්මක නිවේදන, වයස් සීමාවන්, අයදුම්පත් භාරගන්නා අවසාන දිනය සහ අයදුම් පත්‍ර ශ්‍රී ලංකා පොලිස් නිල වෙබ් අඩවිය ඔස්සේ ලබාගත හැකි බවයි පොලිස් මාධ්‍ය අංශය නිවේදනය කරන්නේ.