2026 මුල් මාස 6 තුළ සුරාබදු ආදායම බිලියන 141.5 පනී : ඉලක්කය ඉක්මවා යයි

2026 වර්ෂයේ මුල් මාස හය තුළ ශ්‍රී ලංකා සුරාබදු දෙපාර්තමේන්තුව විසින් රුපියල් බිලියන 141.5 ක බදු මුදලක් රජය වෙත අයකර දීමට සමත්ව ඇති බව සුරාබදු දෙපාර්තමේන්තුව නිවේදනය කරනවා.

රජය විසින් 2026 වර්ෂය සඳහා ලබා දී තිබූ රුපියල් බිලියන 245 ක සමස්ත ඉලක්කගත ආදායමෙන්, පළමු මාස හය (2026.06.30 දිනෙන් අවසන් වූ) සඳහා ලබා දී තිබූ ආදායම් ඉලක්කය රුපියල් බිලියන 119.3ක්.

ඒ අනුව, ලබා දී තිබූ ඉලක්කගත ආදායමට සාපේක්ෂව 118.6% ක ඉහළ ආදායමක් උපයා ගැනීමට දෙපාර්තමේන්තුව සමත්ව තිබෙනවා.

මීට අමතරව, 2025 වර්ෂයේ පළමු මාස හය තුළ උපයාගත් රුපියල් බිලියන 117.03 ක ආදායමට සාපේක්ෂව මෙම වසරේදී 120.91% ක ආදායම් වර්ධනයක් සටහන් කර ඇති බව සුරාබදු කොමසාරිස් ජනරාල් එම්.බී.එන්.ඒ. හේමරත්න පවසනවා.

පසුගිය 2025 වසරේ පළමු මාස හය තුළදී මත්පැන් නිෂ්පාදනය සඳහා නිරපේක්ෂ මද්‍යසාර (Absolute Alcohol) ලීටර මිලියන 17.25 ක් යොදාගෙන තිබූ අතර, 2026 වසරේ පළමු අඩවස තුළදී එම ප්‍රමාණය ලීටර මිලියන 19.6 දක්වා 113.6% කින් ඉහළ ගොස් ඇති බවයි එම නිවේදනයේ සඳහන්.

මත්පැන් පරිභෝජනය අවම කිරීමේ පරමාර්ථයෙන් රජය විසින් වරින් වර මත්පැන් මිල ඉහළ දැමුවද, පහත සඳහන් ක්‍රියාමාර්ග හේතුවෙන් සුරාබදු ආදායම ඉහළ නැංවීමට සහ සුරක්ෂිත කිරීමට හැකියාව ලැබුණු බව සුරාබදු කොමසාරිස් ජනරාල්වරයා පෙන්වා දෙනවා.