ඇසළ පොහොය දින බලපත්‍රයක් නොමැතිව මත්පැන් විකුණු ආපනශාලා 07ක් වටලයි

%E0%B6%87%E0%B7%83%E0%B7%85+%E0%B6%B4%E0%B7%9C%E0%B7%84%E0%B7%9C%E0%B6%BA+%E0%B6%AF%E0%B7%92%E0%B6%B1+%E0%B6%B6%E0%B6%BD%E0%B6%B4%E0%B6%AD%E0%B7%8A%E2%80%8D%E0%B6%BB%E0%B6%BA%E0%B6%9A%E0%B7%8A+%E0%B6%B1%E0%B7%9C%E0%B6%B8%E0%B7%90%E0%B6%AD%E0%B7%92%E0%B7%80+%E0%B6%B8%E0%B6%AD%E0%B7%8A%E0%B6%B4%E0%B7%90%E0%B6%B1%E0%B7%8A+%E0%B7%80%E0%B7%92%E0%B6%9A%E0%B7%94%E0%B6%AB%E0%B7%94+%E0%B6%86%E0%B6%B4%E0%B6%B1%E0%B7%81%E0%B7%8F%E0%B6%BD%E0%B7%8F+07%E0%B6%9A%E0%B7%8A+%E0%B7%80%E0%B6%A7%E0%B6%BD%E0%B6%BA%E0%B7%92

ඇසළ පොහොය දින බලපත්‍රයක් නොමැතිව ඇල්ල ප්‍රදේශයේ ප්‍රසිද්ධියේ ප්‍රධාන පාරට දර්ශනය වන පරිදි මත්පැන් විකුණන ලද ඇල්ල ප්‍රදේශයේ ආපනශාලා 07 ක් වටලා සැකකරුවන් කොළඹ සුරාබදු විශේෂ මෙහෙයුම් ඒකකයේ සුරාබදු අධිකාරි කාර්යාලයේ නිලධාරින් විසින් අත්අඩංගුට ගෙන තිබෙනවා.

ශ්‍රී ජයවර්ධනපුර සුරා බදු ස්ථානයේ නිලධාරින්ගේද සහය ඇතිව පොහොය දින වැටලීම් මාලාවක් ඇල්ල ප්‍රදේශයේ සංවිධානය කර තිබුණා.

මෙහිදී පොහොය දින බලපත්‍රයක් නොමැතිව ප්‍රසිද්ධියේ ප්‍රධාන පාරට ද දර්ශනය වන පරිදි මත්පැන් විකුණන ලද ඇල්ල ප්‍රදේශයේ ආපනශාලා හෝටල් 07 ක් වැටලීමට සමත් ව ඇති බවයි පවසන්නේ.

බියර් ඇතුලු රට බීම බෝතල් 405 ක් මෙහිදී අත්අඩංගුවට ගෙන සැකකරුවන් අධිකරණයට ඉදිරිපත් කරන තුරු ඇප මත මුදා හැර තිබෙනවා.

මේ පිළිබඳව ප්‍රාදේශීය බලයලත් නිලධාරීන් ප්‍රමාණවත් මැදිහත් වීමක් සිදු නොකරන බවද පෙනී ගිය බවයි
සුරාබදු විශේෂ මෙහෙයුම් ඒකකයේ නිලධාරීන් පවසා සිටියේ.

නිත්‍යානුකූල මත්පැන් වෙළදාම මේ නිසා නිත්‍යානුකූල නොවන මත්පැන් වෙළදාම ලෙස විතැන් වීමක් සිදු වන බවත් රජයට බදු මුදල් අහිමි වීමක්ද මේ මඟින් සිදු වන බවයි විමර්ශන නිලධාරීන් සඳහන් කළේ.

මත්පැන් බලපත්‍ර ලබා ගත හැකි පුද්ගලයින්ද මේ කරුණු මත පදනම්ව බලපත්‍ර ලබා ගැනීමට මැලිකමක් දක්වන බවයි ඔවුන් පවසන්නේ.

සැකකරුවන් බණ්ඩාරවෙල මහේස්ත්‍රාත් අධිකරණයට ඉදිරිපත් කිරීමට නියමිතයි.

ප්‍රධාන සුරාබදු පරීක්ෂකවරුන් වෙත ඒ. ටී. වීරමන් හා වන්දන කස්තුරි ආරච්චි යන නිලධාරීන්ගේ මෙහෙය වීමෙන් මෙම වැටලීම සිදු කර තිබෙනවා.