සෞඛ්‍ය සේවයේ නව පත්වීම් 1,444ක්

%E0%B7%83%E0%B7%9E%E0%B6%9B%E0%B7%8A%E2%80%8D%E0%B6%BA+%E0%B7%83%E0%B7%9A%E0%B7%80%E0%B6%BA%E0%B7%9A+%E0%B6%B1%E0%B7%80+%E0%B6%B4%E0%B6%AD%E0%B7%8A%E0%B7%80%E0%B7%93%E0%B6%B8%E0%B7%8A+1%2C444%E0%B6%9A%E0%B7%8A

මෙරට නිදහස් සෞඛ්‍ය සේවාවේ මානව සම්පත් ශක්තිමත් කිරීමේ රජයේ වැඩපිළිවෙළට අනුව සෞඛ්‍ය සේවයේ වෘත්තීය කාණ්ඩ 4ක ක්ෂේත්‍ර 14ක් සඳහා පත්වීම් ප්‍රදානය කිරීමේ උත්සවය අනිද්දා (01) පෙරවරු 9.00ට අරලියගහ මන්දිර පරිශ්‍ර රැස්වීම් ශාලාවේ දී පැවැත්වීමට නියමිත බව සෞඛ්‍ය අමාත්‍යාංශය සඳහන් කරනවා.

එය, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්සගේ ප්‍රධානත්වයෙන් පැවැත්වෙනු ඇති බවයි සඳහන් වන්නේ.

මෙහි දී කළමනාකරණ සහකාර තාක්ෂණික නොවන සේවා, ප්‍රාථමික ශිල්පීය සේවා, ප්‍රාථමික අර්ධ ශිල්පීය සේවා සහ ප්‍රාථමික ශිල්පීය නොවන සේවා යන සෞඛ්‍ය වෘත්තීය සේවාවන්ට අයත් වෘත්තිකයින් 1,444 දෙනෙකු සඳහා පත්වීම් ප්‍රදානය කිරීමට නියමිතව තිබෙනවා.

• කළමනාකරණ සහකාර තාක්ෂණික නොවන සේවා ඛණ්ඩය: වෛද්‍ය සැපයීම් සහකාර (06), වාට්ටු ලිපිකරු (50), සහ නිවාස පාලක/පාලිකා (37)

• ප්‍රාථමික ශිල්පීය සේවා ගණය: සෞඛ්‍ය රියැදුරු (07) සහ රෝහල් ඕවර්සියර් (121)

• ප්‍රාථමික අර්ධ ශිල්පීය සේවා ගණය: සංචාරක බංගලා භාරකරු (03), පෝක් ලිෆ්ට් යන්ත්‍ර ක්‍රියාකරු (07), කරණවෑමි (01), විකලාංග කාර්මික සහායක (37), ජලනල කාර්මික (31), මැහුම් ක්‍රියාකරු (64) සහ අරක්කැමි (144)

• ප්‍රාථමික ශිල්පීය නොවන සේවා ගණය: සෞඛ්‍ය කාර්ය සහායක (651) සහ ක්ෂේත්‍ර මදුරු මර්දන සහායක (285)

මෙම පත්වීම් ප්‍රදානය කිරීමේ අවස්ථාවට සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන යන මහත්වරුන් ඇතුළු සෞඛ්‍ය හා ජනමාධ්‍ය අමාත්‍යාංශයේ නිලධාරීන් පිරිසක් සහභාගිවීමට නියමිත බවයි සෞඛ්‍ය අමාත්‍යාංශය සඳහන් කළේ.