Share Post
ත්රීරෝද රථයක් තුළ ගමන් කරමින් වස සහ ඇසිඩ් වැනි ද්රාවණයක් අඩංගු බෝතල දෙකක් අතැතිව, එකිනෙකා ඝාතනය කර තමනුත් මියයන බවට දඹර කරගත් අඹුසැමි යුවළක් ඊයේ (29) අත්අඩංගුවට ගත් බව හිරණ පොලිසිය පවසනවා.
මෙසේ අත්අඩංගුවට ගෙන ඇත්තේ මාතර, කඹුරුගොඩ ප්රදේශයේ පදිංචි 32 හා 37 හැවිරිදි තිදරු අඹුසැමි යුවළක්.
මෙම යුවළ සමඟ ඔවුන් සන්තකයේ තිබූ වස සහ ඇසිඩ් ද්රාවණ අඩංගු යැයි කියූ බෝතල් දෙකක්ද පොලිසිය විසින් සිය භාරයට ගෙන තිබෙනවා.
මෙම කාන්තාව වසර ගණනාවක සිට සැමියා සහ දරුවන් අතහැර දමා කොළඹ ප්රදේශයේ පුද්ගලික ආයතනයක රැකියාවක නිරතව සිට ඇති බවත් සැමියාද ඇය පිළිබඳ සොයමින් කොළඹ ප්රදේශයේ රැකියාවක් කර ඇති බවටත් අනාවරණය වූ බව පොලිසිය පවසනවා.
ඊයේ (29) රාත්රියේ මෙම කාන්තාව මාතර සිට කොළඹ බලා ධාවනය වූ බස් රථයක පැමිණ ඇති අතර, සැමියාද හොර රහසේ ඇය පසුපස පැමිණ එම බස් රථයේම පිටුපස අසුනක වාඩි වී පැමිණ ඇතැයි පොලිසිය පවසනවා.
ඇය පානදුර නගරයෙන් බස් රථයෙන් බැස ත්රීරෝද රථයකින් හිරණ මාර්ගය හරහා කැස්බෑව නගරයට ගමන් කිරීමට කටයුතු කර ඇති අතර, ඔහුද එම ත්රීරෝද රථයට ගොඩ වී මෙලෙස ආරවුල් ඇති කරගෙන තිබෙනවා.
එහිදී සැමියා විසින් වස බෝතලයක් පෙන්වා ඇයටත් පොවා තමනුත් එය පානය කරන බව පවසා ඇති අතර, කාන්තාව ඇගේ බෑගයේ තිබී ඇසිඩ් බෝතලයක් ගෙන ඔහුට එයින් පහර දී තමන්ද දිවි නසා ගන්නා බව පවසමින් ආරවුල් ඇති කරගෙන ඇති බව අනාවරණය වී තිබෙනවා.
මේ නිසා රාත්රී 11.30ට පමණ ත්රීරෝද රථ රියදුරු විසින් ළඟම තිබූ හිරණ පොලිසිය වෙත ත්රීරෝද රථය නතර කර ඔවුන් එහි ඇරලවා පලා ගොස් තිබුණා.
එහිදීද ඔවුන් ආරවුල් ඇති කර ගනිමින් සිටියදී පොලිසිය විසින් අත්අඩංගුවට ගනු ලැබ තිබුණා.
සිද්ධිය පිළිබඳ ඉදිරි විමර්ශන හිරණ පොලිසිය විසින් සිදු කරනු ලබනවා.
Latest News
ඉන්දියාව සහ ඉන්දුනීසියාව අතර ආරක්ෂක සබඳතා තවදුරටත් ශක්තිමත් වෙයි
Local
30 July 2026
ග්රැමී සම්මාන උළෙලෙන් BTS ඉවත් වෙයි
Local
30 July 2026
මිනිසුන් රැගෙන යා හැකි ඩ්රෝන යානා ශ්රී ලංකාවේ ප්රවාහනයට
Local
30 July 2026
චීනයට අමෙරිකාවෙන් යළි රතු එළියක්
Local
30 July 2026
ලෝක පාපන්දු සම්මේලනයේ පෞද්ගලීකරණ සැලසුම හමුවේ UEFA සාමාජික රටවල් 55ක් ලෝක කුසලානය වර්ජනය කරන්න සැරසෙයි
Local
30 July 2026
පාකිස්ථානයේ සෞඛ්ය අර්බුදයේ බරපතලකම නැවතත් කරළියට
Local
30 July 2026
වෘත්තීය පුහුණුවට ආ බාලවයස්කරුවාට අපරාධයක් කළ 72 හැවිරිදි ගුරුවරයාට වසර 07ක බරපතල වැඩ සහිත සිරදඩුවම්
Local
30 July 2026
තද උණුසුම නිසා ජර්මනියෙන් මරණ 9,800ක් : උෂ්ණත්වය සෙල්සියස් අංශක 40 පනී
Local
30 July 2026
ත්රීරෝද රථයක් තුළ ආරවුල් ඇති කරගත් අඹුසැමි යුවළක් අත්අඩංගුවට
Local
30 July 2026
සෞඛ්ය සේවයේ නව පත්වීම් 1,444ක්
Local
30 July 2026
