'රටම එකට' මෙහෙයුමෙන් මත්ද්‍රව්‍ය වැරදිවලට මාස 09කදී තරුණයින් 7,866ක් අත්අඩංගුවට

'රටම එකට' මෙහෙයුම ආරම්භ කර ගතවූ මාස 09ක කාලය තුළ මත්ද්‍රව්‍ය සම්බන්ධ වැරදිවලට වයස අවුරුදු 14ත් 18ත් අතර නව යෞවනයන් 743 දෙනෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශක, සහකාර පොලිස් අධිකාරී එෆ්.යු. වුට්ලර් පවසනවා.

එසේම වයස අවුරුදු 18ත් 21ත් අතර තරුණයින් 7,866ක් අත්අඩංගුවට ගෙන ඇති බවයි පොලිස් මාධ්‍ය ප්‍රකාශකවරයා සඳහන් කරන්නේ.

'රටම එකට' ජාතික මෙහෙයුම යටතේ මත්ද්‍රව්‍ය ජාවාරම්කරුවන්ගේ නීතිවිරෝධී දේපළ තහනම් කිරීමේ ක්‍රියාවලියට අදාළ යාවත්කාලීන තොරතුරු පිළිබඳ දැනුවත් කිරීමේ මාධ්‍ය හමුවට අද (31) එක්වෙමිනුයි ඔහු මේ බව පැවසුවේ.

තමන්ගේ දරුවාගේ කතාබහේ හෝ හැසිරීමේ වෙනසක් දැනෙනවා නම් පමා නොවිය යුතු බවයි ඔහු සඳහන් කළේ.

එමෙන්ම තමන්ගේ නොවුනද අනෙකුත් දරුවන්ගේ සුබසිද්ධිය උදෙසා ද කටයුතු කරන මෙන් ඉල්ලා සිටින බව ද ඔහු එහිදී පැවසුවා.