උඩුනුවර, යටිනුවර ඇතුළු ප්‍රදේශ රැසක මහවැලි පහත්බිම්වලට ගංවතුර අවදානමක්

අධික වර්ෂාපතනය හේතුවෙන් මහවැලි ගංඟා ද්‍රෝණියේ පහත්බිම් රැසකට ගංවතුර අවදානමක් නිකුත් කරමින් වාරිමාර්ග දෙපාර්තමේන්තුව විසින් ජනතාවට විශේෂ දැනුම්දීමක් සිදුකර තිබෙනවා.

ඒ අනුව, උඩුනුවර, උඩපළාත, යටිනුවර, ගඟ ඉහළ කෝරළේ, පස්බාගේ කෝරළේ සහ ගඟවට කෝරළේ යන ප්‍රාදේශීය ලේකම් කොට්ඨාසවල මහවැලි ගඟ ආශ්‍රිත පහත්බිම්වල ජීවත්වන ජනතාව මේ පිළිබඳව දැඩි විමසිල්ලෙන් පසුවන ලෙසයි එම දෙපාර්තමේන්තුව පවසන්නේ.