මිටියාගොඩ ආපනශාලාවක අයකැමිවරියක් වෙඩි තබා ඝාතනය කළ ‘ජම්බු’ අල්ලා ගැනීමට පොලිසිය මහජන සහාය පතයි

%E0%B6%B8%E0%B7%92%E0%B6%A7%E0%B7%92%E0%B6%BA%E0%B7%8F%E0%B6%9C%E0%B7%9C%E0%B6%A9+%E0%B6%86%E0%B6%B4%E0%B6%B1%E0%B7%81%E0%B7%8F%E0%B6%BD%E0%B7%8F%E0%B7%80%E0%B6%9A+%E0%B6%85%E0%B6%BA%E0%B6%9A%E0%B7%90%E0%B6%B8%E0%B7%92%E0%B7%80%E0%B6%BB%E0%B7%92%E0%B6%BA%E0%B6%9A%E0%B7%8A+%E0%B7%80%E0%B7%99%E0%B6%A9%E0%B7%92+%E0%B6%AD%E0%B6%B6%E0%B7%8F+%E0%B6%9D%E0%B7%8F%E0%B6%AD%E0%B6%B1%E0%B6%BA+%E0%B6%9A%E0%B7%85+%E2%80%98%E0%B6%A2%E0%B6%B8%E0%B7%8A%E0%B6%B6%E0%B7%94%E2%80%99+%E0%B6%85%E0%B6%BD%E0%B7%8A%E0%B6%BD%E0%B7%8F+%E0%B6%9C%E0%B7%90%E0%B6%B1%E0%B7%93%E0%B6%B8%E0%B6%A7+%E0%B6%B4%E0%B7%9C%E0%B6%BD%E0%B7%92%E0%B7%83%E0%B7%92%E0%B6%BA+%E0%B6%B8%E0%B7%84%E0%B6%A2%E0%B6%B1+%E0%B7%83%E0%B7%84%E0%B7%8F%E0%B6%BA+%E0%B6%B4%E0%B6%AD%E0%B6%BA%E0%B7%92

මිටියාගොඩ පොලිස් වසමේ අලුත්වල හාර ප්‍රදේශයේදී ආපනශාලාවක මුදල් අයකැමි ලෙස සේවය කළ කාන්තාවකට වෙඩි තබා ඝාතනය කිරීමෙ සිද්ධියකට අදාලව ‘ජම්බු’ නමැත්තා අල්ලා ගැනීමට පොලිසිය මහජන සහාය පතනවා.

ඉකුත් 2025 නොවැම්බර් 17 වැනි දින සිදුවූ මෙම අපරාධය සම්බන්ධයෙන් මිටියාගොඩ පොලිස් ස්ථානය මගින් පුළුල් විමර්ශන සිදු කරනු ලබන අතර, වෙඩි තැබීමට පැමිණි වෙඩික්කරු හඳුනාගෙන ඇතැයි පොලිසිය පවසනවා.

ඒ අනුව මෙලෙස අත්අඩංගුවට ගැනීමට සොයනුයේ උඩුමුල්ල, කලුපේ, හික්කඩුව පදිංචි ගල්කේන කංකානම්ගේ උපුල් කුමාර නොහොත් ‘ජම්බු’ නමැති 39 හැවිරිදි පුද්ගලයායි. මෙම සැකකරුගේ ජාතික හැඳුනුම්පත් අංකය 871254385V වන බවයි පොලිසිය සඳහන් කළේ.

මෙම සැකකරු මේ වන විට පදිංචි ප්‍රදේශය මගහැර සැඟව සිටින බැවින් මොහු අත්අඩංගුවට ගැනීම සඳහා මෙලෙස පොලීසිය මහජන සහාය පතනවා.

මෙම සැකකරු ගන්දර හා අම්බලන්තොට පොලිස් වසම්වල සිදුවූ වෙඩි තැබීම්වලටද අවශ්‍ය කරන සැකකරුවෙකු වන අතර, බලපිටිය මහේස්ත්‍රාත් අධිකරණයේ විභාග වන නඩුවකටද අවශ්‍යව සිටින අයෙක් බවයි පොලිසිය පවසන්නේ.

මෙම සැකකරු සම්බන්ධයෙන් යම් තොරතුරක් වෙතොත් මීටියාගොඩ පොලිසිය 091-2260423 ට හෝ ස්ථානාධිපති 071-8591481 යන අංක අමතා දැනුම් දෙන ලෙසට ශ්‍රී ලංකා පොලිසිය මහජනතාවගෙන් ඉල්ලා තිබෙනවා.