ඊශ්‍රායල රැකියා ක්ෂේත්‍ර 2ක් සඳහා වෙබ් පිවිසුම් අනිද්දා විවෘත වෙයි

ඊශ්‍රායල රැකියා ක්ෂේත්‍ර 2ක් සඳහා වෙබ් පිවිසුම් අනිද්දා විවෘත වන බව ශ්‍රි ලංකා විදේශ සේවා නියුක්ති කාර්යාංශය පවසනවා.

නිවේදනයක් නිකුත් කරමින් එම කාර්යාංශය සඳහන් කළේ, අවන්හල් ක්ෂේත්‍රයේ සහ ප්‍රතිසංස්කරණ ක්ෂේත්‍රයට අදාළ රැකියා සඳහා මෙලෙස අදාළ වෙබ් පිවිසුම් විවෘත වන බවයි.

ඒ අනුව, විදේශ සේවා නියුක්ති කාර්යාංශ වෙබ් අඩවිය ඔස්සේ මේ සඳහා අයදුම් කළ හැකියි.

මෙහිදී අයදුම්කරුවන් 4,000ක් සඳහා ලියාපදිංචි වීමේ අවස්ථාව පවතින අතර, ඒ සඳහා වන වයස් සීමාව අවුරුදු 25ත් 40ත් ලෙස දැක්වෙනවා.