අවන්හලකට රුපියල් 5,000 ක ව්‍යාජ නෝට්ටුවක් දීපු කළුතර කාන්තාවක් සොයයි

%E0%B6%85%E0%B7%80%E0%B6%B1%E0%B7%8A%E0%B7%84%E0%B6%BD%E0%B6%9A%E0%B6%A7+%E0%B6%BB%E0%B7%94%E0%B6%B4%E0%B7%92%E0%B6%BA%E0%B6%BD%E0%B7%8A+5%2C000+%E0%B6%9A+%E0%B7%80%E0%B7%8A%E2%80%8D%E0%B6%BA%E0%B7%8F%E0%B6%A2+%E0%B6%B1%E0%B7%9D%E0%B6%A7%E0%B7%8A%E0%B6%A7%E0%B7%94%E0%B7%80%E0%B6%9A%E0%B7%8A+%E0%B6%AF%E0%B7%93%E0%B6%B4%E0%B7%94+%E0%B6%9A%E0%B7%85%E0%B7%94%E0%B6%AD%E0%B6%BB+%E0%B6%9A%E0%B7%8F%E0%B6%B1%E0%B7%8A%E0%B6%AD%E0%B7%8F%E0%B7%80%E0%B6%9A%E0%B7%8A+%E0%B7%83%E0%B7%9C%E0%B6%BA%E0%B6%BA%E0%B7%92

නගරයේ අවන්හලකින් ආහාර ද්‍රව්‍ය ලබාගෙන ඒ වෙනුවෙන් රුපියල් 5,000 ක ව්‍යාජ මුදල් නෝට්ටුවක් ලබා දී ඉතිරි මුදල්ද මාරු කරගෙන ගිය කාන්තාවක් අත්අඩංගුවට ගැනීම සඳහා දකුණු කළුතර පොලිසිය පුළුල් පරීක්ෂණ ආරම්භ කර තිබෙනවා.

මෙම සිද්ධිිය සම්බන්ධයෙන් පොලිසියට පැමිණිල්ලක් ඉදිරිපත් කර තිබුණේ දකුණු කළුතර ගාලු පාරේ මෙම අවන්හල පවත්වාගෙන යන ව්‍යාපාරිකයෙක්.

තමා සහ මව කළුතර නගරයේ බේකරි කෑම අලෙවි කරන අවන්හලක් පවත්වාගෙන යන බවත්, ඉකුත් 08 වන දින කාන්තාවක් පැමිණ මවගෙන් ආහාර වර්ග කීපයක් ලබාගෙන ඒ වෙනුවෙන් රුපියල් 5,000 ක නෝට්ටුවක් දී ඉතිරි මුදල්ද ලබාගෙන පිටව ගොස් ඇති බවත් පැමිණිලිකරු පොලිසියට කළ පැමිණිල්ලේ සඳහන්.

පසුව පැමිණිලිකරුගේ මව රුධිර සාම්පලයක් ලබා ගැනීම සඳහා ඊයේ (09) කළුතර නගරයේ වෛද්‍ය ආයතනයකට ගොස් මෙම රුපියල් 5,000 නෝට්ටුව ඉදිරිපත් කළ අවස්ථාවේදී, එය ව්‍යාජ මුදල් නෝට්ටුවක් බව පවසා එම ආයතනය එය ප්‍රතික්ෂේප කර ඇතැයි ද පැමිණිල්ලේ වැඩිදුරටත් දැක්වෙනවා.

සිද්ධිය සම්බන්ධයෙන් දකුණු කළුතර පොලිසිය අපරාධ පරීක්ෂණ දෙපාර්තමේන්තුවටද දැනුම්දී ඇතැයි වාර්තා වෙනවා.