"රත්මලානේ සයිමා" පැය 48ක් රැඳවුම් භාරයේ තබා ප්‍රශ්න කිරීමට අවසර

%22%E0%B6%BB%E0%B6%AD%E0%B7%8A%E0%B6%B8%E0%B6%BD%E0%B7%8F%E0%B6%B1%E0%B7%9A+%E0%B7%83%E0%B6%BA%E0%B7%92%E0%B6%B8%E0%B7%8F%22+%E0%B6%B4%E0%B7%90%E0%B6%BA+48%E0%B6%9A%E0%B7%8A+%E0%B6%BB%E0%B7%90%E0%B6%B3%E0%B7%80%E0%B7%94%E0%B6%B8%E0%B7%8A+%E0%B6%B7%E0%B7%8F%E0%B6%BB%E0%B6%BA%E0%B7%9A+%E0%B6%AD%E0%B6%B6%E0%B7%8F+%E0%B6%B4%E0%B7%8A%E2%80%8D%E0%B6%BB%E0%B7%81%E0%B7%8A%E0%B6%B1+%E0%B6%9A%E0%B7%92%E0%B6%BB%E0%B7%93%E0%B6%B8%E0%B6%A7+%E0%B6%85%E0%B7%80%E0%B7%83%E0%B6%BB

සංවිධානාත්මක අපරාධ කල්ලි නායක ‘කංජිපානි ඉම්රාන්’ගේ සමීපතම සගයෙකු වන ධනුෂ්ක කෞෂල්‍ය හෙවත් "රත්මලානේ සයිමා" නමැත්තා පැය 48ක කාලයක් රැඳවුම් භාරයේ තබාගෙන ප්‍රශ්න කිරීමට මහනුවර මහේස්ත්‍රාත් අධිකරණය පොලිසියට අවසර ලබා දී තිබෙනවා.

මැලේසියාවේදී අත්අඩංගුවට ගෙන ඊයේ (10) පස්වරුවේ දිවයිනට රැගෙන එනු ලැබූ මෙම සැකකරු, පේරාදෙණිය පොලිස් වසමේ සිදුවූ මනුෂ්‍ය ඝාතනයක් සහ පැහැරගෙන යාමේ සිදුවීමකට අදාළව නඩු දෙකක ප්‍රධාන චූදිතයෙකු ලෙස නම් කර සිටි අයෙක්.

අදාළ නඩු සඳහා අධිකරණය හමුවේ පෙනී නොසිටීම හේතුවෙන් මොහුට එරෙහිව විවෘත වරෙන්තු ද නිකුත් කර තිබුණා.

ඊයේ (10) රාත්‍රියේ පේරාදෙණිය පොලිසිය වෙත භාරදීමෙන් අනතුරුව, මහනුවර මහේස්ත්‍රාත් අධිකරණයට ඉදිරිපත් කිරීමෙන් පසු මෙම රැඳවුම් නියෝගය ලබාගෙන ඇති අතර ඉදිරි විමර්ශන ක්‍රියාත්මකයි.