ශ්‍රී ලංකා මුහුදු සීමාවේ නීතිවිරෝධී ධීවර කටයුතුවල නිරත වූ ඉන්දීය ධීවරයින් 9ක් සහ යාත්‍රාවක් නාවික හමුදා භාරයට

%E0%B7%81%E0%B7%8A%E2%80%8D%E0%B6%BB%E0%B7%93+%E0%B6%BD%E0%B6%82%E0%B6%9A%E0%B7%8F+%E0%B6%B8%E0%B7%94%E0%B7%84%E0%B7%94%E0%B6%AF%E0%B7%94+%E0%B7%83%E0%B7%93%E0%B6%B8%E0%B7%8F%E0%B7%80%E0%B7%9A+%E0%B6%B1%E0%B7%93%E0%B6%AD%E0%B7%92%E0%B7%80%E0%B7%92%E0%B6%BB%E0%B7%9D%E0%B6%B0%E0%B7%93+%E0%B6%B0%E0%B7%93%E0%B7%80%E0%B6%BB+%E0%B6%9A%E0%B6%A7%E0%B6%BA%E0%B7%94%E0%B6%AD%E0%B7%94%E0%B7%80%E0%B6%BD+%E0%B6%B1%E0%B7%92%E0%B6%BB%E0%B6%AD+%E0%B7%80%E0%B7%96+%E0%B6%89%E0%B6%B1%E0%B7%8A%E0%B6%AF%E0%B7%93%E0%B6%BA+%E0%B6%B0%E0%B7%93%E0%B7%80%E0%B6%BB%E0%B6%BA%E0%B7%92%E0%B6%B1%E0%B7%8A+9%E0%B6%9A%E0%B7%8A+%E0%B7%83%E0%B7%84+%E0%B6%BA%E0%B7%8F%E0%B6%AD%E0%B7%8A%E2%80%8D%E0%B6%BB%E0%B7%8F%E0%B7%80%E0%B6%9A%E0%B7%8A+%E0%B6%B1%E0%B7%8F%E0%B7%80%E0%B7%92%E0%B6%9A+%E0%B7%84%E0%B6%B8%E0%B7%94%E0%B6%AF%E0%B7%8F+%E0%B6%B7%E0%B7%8F%E0%B6%BB%E0%B6%BA%E0%B6%A7

ශ්‍රී ලංකා මුහුදු සීමාවේ නීතිවිරෝධී ලෙස මසුන් ඇල්ලීමේ නිරත වූ ඉන්දීය ධීවරයින් 09 දෙනෙක් සහ යාත්‍රාවක් ශ්‍රී ලංකා නාවික හමුදාව විසින් ඊයේ (12) රාත්‍රී සි භාරයට ගෙන තිබෙනවා.

තලෙයිමන්නාරම උරුමලෙයි තුඩුවට ඔබ්බෙන් වූ ශ්‍රී ලංකා මුහුදු සීමාවේ මෙම මෙහෙයුම ක්‍රියාත්මක කර තිබූ බවයි නාවික හමුදාව සඳහන් කරන්නේ.

අදාල ඉන්දීය ධීවර යාත්‍රාව ජාත්‍යන්තර මුහුදු සීමාව පසුකර ශ්‍රී ලංකා මුහුදු සීමාවට ඇතුළු වී, මුහුදු පතුලට හානි සිදුකරන ‘Bottom Trawling’ (පතුල් ඇදීමේ) ක්‍රමය භාවිතයෙන් මසුන් ඇල්ලීමේ නිරතව සිටියදී නාවික හමුදාව විසින් මෙලෙස අත්අඩංගුවට ගෙන තිබෙනවා.

ඒ අනුව, භාරයට ගත් ඉන්දීය ධීවරයින් නවදෙනා සහ ධීවර යාත්‍රාව ඉදිරි නීතිමය කටයුතු සඳහා මන්නාරම ධීවර පරීක්ෂකවරයා වෙත භාරදීමට නියමිත බවයි නාවික හමුදාව පවසන්නේ.

මන්නාරම් දූපත සහ ආදම්ගේ පාලම අවට පිහිටි මන්නාරම් බොක්කේ පරිසර පද්ධතිය ජාත්‍යන්තර හා දේශීය වශයෙන් ඉහළ වැදගත්කමක් සහිත මුහුදු ජෛව විවිධත්ව හා සංරක්ෂණ කලාපයක් ලෙස සැලකේ.

එබැවින් මෙම ප්‍රදේශය විශේෂ ධීවර කළමනාකරණ හා පාරිසරික ආරක්ෂණ රෙගුලාසි යටතේ සංරක්ෂණය කෙරෙන ප්‍රදේශයක් ලෙස පවතින බවයි වාර්තා වන්නේ.