අධ්‍යාපනයෙන් බෙදන්න දුන් ලක්ෂ 8ක පෙළපොත් තොගයක්ම අතුරුදන්

%E0%B6%85%E0%B6%B0%E0%B7%8A%E2%80%8D%E0%B6%BA%E0%B7%8F%E0%B6%B4%E0%B6%B1%E0%B6%BA%E0%B7%99%E0%B6%B1%E0%B7%8A+%E0%B6%B6%E0%B7%99%E0%B6%AF%E0%B6%B1%E0%B7%8A%E0%B6%B1+%E0%B6%AF%E0%B7%94%E0%B6%B1%E0%B7%8A+%E0%B6%BD%E0%B6%9A%E0%B7%8A%E0%B7%82+8%E0%B6%9A+%E0%B6%B4%E0%B7%99%E0%B7%85%E0%B6%B4%E0%B7%9C%E0%B6%AD%E0%B7%8A+%E0%B6%AD%E0%B7%9C%E0%B6%9C%E0%B6%BA%E0%B6%9A%E0%B7%8A%E0%B6%B8+%E0%B6%85%E0%B6%AD%E0%B7%94%E0%B6%BB%E0%B7%94%E0%B6%AF%E0%B6%B1%E0%B7%8A

අධ්‍යාපන අමාත්‍යාංශය යටතේ ඇති දමිළ භාෂා 01 ශ්‍රේණියේ 03 වන වාරයට අදාළව කියා ක්‍රියාකාරකම් පොත් සහ පෙළ පොත් තොගයක් නැගෙනහිර පළාතේ බෙදාහැරීමේ මධ්‍යස්ථාන 12ක් වෙත නියමිත පරිදි භාර නොදී සාපරාධී විශ්වාසය කඩ කිරීමක් සම්බන්ධයෙන් ඉසුරු පාය අධ්‍යාපන ප්‍රකාශන දෙපාර්තමේන්තුවෙන් පැමිණිල්ලක් ලැබී ඇතැයි තලංගම පොලිසිය සඳහන් කරනවා.

රුපියල් ලක්ෂ 08ක් පමණ වටිනා ක්‍රියාකාරකම් සහ පෙළපොත් 19,892 ක් එලෙස බාර දී නැතැයි ඉසුරු පාය අධ්‍යාපන ප්‍රකාශන දෙපාර්තමේන්තුවේ කොමසාරිස්( නිෂ්පාදන හා බෙදාහැරීමේ) එන් ඩබ්ලිව් ඩි හිරෝෂි ගුණවර්ධන කරන ලද පැමිණිල්ලේ සඳහන්.

ඉසුරු පාය අධ්‍යාපන අමාත්‍යාංශයේ පිහිටා ඇති අධ්‍යාපන ප්‍රකාශන දෙපාර්තමේන්තුවෙන් නිකුත් කරන ලද එකී පොත් තොගය ප්‍රවාහනය සඳහා බියගම , සියඹලාපේ , සමෘද්ධි මාවතේ ආයතනයක් මගින් ගිවිසුම්ගතව ටස්මා ඉන්ටර්නැෂනල් ආයතනය වෙත 2026.05.04 වෙනිදින 43-9874 ලියාපදිංචි අංක දරණ ලොරි රථයෙන් එහි රියදුරු බාරයේ රැගෙන යාමට අවසර ලබාගෙන ඇති බවත් එම පැමිණිල්ලේ සඳහන්.

එම පෙළපොත් හා ක්‍රියාකාරකම් පොත් නැගෙනහිර පළාතේ මධ්‍යස්ථාන 12 ක් සඳහා නියමිත පරිදි බෙදා හැර නොමැති බවට අධ්‍යාපන දෙපාර්තමේන්තුවේ ප්‍රකාශන අංශයේ නැගෙනහිර පළාත භාරව සිටින ජගත් වන්නිහාරච්චි යන අය විසින් අධ්‍යාපන ප්‍රකාශන දෙපාර්තමේන්තුව වෙත ඉකුත් 07 වෙනි දින දැනුම් දී තිබෙනවා.

ඒ අනුව මෙම පැමිණිල්ල කර ඇති බවයි උසස් පොලිස් නිලධාරියෙක් පවසා සිටියේ.

තලංගම පොලිසියේ ස්ථානාධිපති ප්‍රධාන පොලිස් පරීක්ෂක නිශ්ශංක සිල්වාගේ උපදෙස් මත විමර්ශන සිදු කෙරෙනවා.