යාපනය නාගදීප මුහුදේ බෝට්ටුවක් පෙරළෙයි - 10ක් ‍රෝහලේ - Hiru News - Srilanka's Number One News Portal, Most visited website in Sri Lanka

%E0%B6%BA%E0%B7%8F%E0%B6%B4%E0%B6%B1%E0%B6%BA+%E0%B6%B1%E0%B7%8F%E0%B6%9C%E0%B6%AF%E0%B7%93%E0%B6%B4+%E0%B6%B8%E0%B7%94%E0%B7%84%E0%B7%94%E0%B6%AF%E0%B7%9A+%E0%B6%B6%E0%B7%9D%E0%B6%A7%E0%B7%8A%E0%B6%A7%E0%B7%94%E0%B7%80%E0%B6%9A%E0%B7%8A+%E0%B6%B4%E0%B7%99%E0%B6%BB%E0%B7%85%E0%B7%99%E0%B6%BA%E0%B7%92+-+10%E0%B6%9A%E0%B7%8A+%E2%80%8D%E0%B6%BB%E0%B7%9D%E0%B7%84%E0%B6%BD%E0%B7%9A

යාපනය ඩෙල්ෆ් මුහුදේදී බෝට්ටුවක් පෙරළී සිදුවූ අනතුරකින් 10 දෙනකු රෝහල් ගත කර ඇතැයි ශ්‍රී ලංකා නාවික හමුදාව පවසනවා.

අද (16) පස්වරු 5.30ට පමණ මෙම මගී බෝට්ටුව යාපනය නාගදීප දූප‍ත ආසන්නයේදී අනතුරකට ලක්වූ බවට වාර්තා වූ බවයි නාවික හමුදාව සඳහන් කළේ.

මේ සම්බන්ධයෙන් හිරු ප්‍රවෘත්ති අංශය කළ විමසීමකදී නාවික හමුදා මාධ්‍ය ප්‍රකාශකවරයා සඳහන් කළේ මේ වන විට එම බෝට්ටුවේ ගමන් කරමින් සිටි මගීන් 10දෙනා නාගදීප රෝහලට ඇතුළත් කර ඇති බවත් කිසිදු ජීවිත හානිකයක් වාර්තා වී නොමැති බවත්ය.

පසුව එම පිරිස යාපනය මහ රෝහලට මාරුකර යවා ඇති බව ද නාවික හමුදා මාධ්‍ය ප්‍රකාශකවරයා සඳහන් කළා.

මෙම පිරිස වන්දනාගමනක් සඳහා යමින් සිටි පිරිසක් බවයි වාර්තා වන්නේ.

මෙම බෝට්ටුවේ ගිය පිරිස යාපනය කුරිකට්ටුවාන් ප්‍රදේශයෙන් අද (16) පස්වරු 3.30 ට පිටත්ව ගොස් ඇති අතර, ඔවුන් සවස 5.30ට ගමනාන්තය වන ඩෙල්ෆ් දූපතට පැමිණීමට නියමිතව තිබූ බවත් එසේ නොපැමිණි බැවින් නාවික හමුදාව විමසීමේදී මෙම අනතුර වාර්තා වූ බවත් නාවික හමුදාව පැවසුව‍ා.

මුහුදු නොයන ලෙසට අනතුරු ඇඟවීම් ලබා දී තිබියදීත් මෙම පිරිස එය නොතකා ගමන් කර ඇති බවයි වාර්තා වන්නේ.