ජාත්‍යන්තර අපරාධ අධිකරණයේ සභාපතිනියට අමෙරිකාවෙන් සම්බාධක

ජාත්‍යන්තර අපරාධ අධිකරණයේ සභාපතිනි ජපාන ජාතික ටොමෝකෝ අකානේ සහ සෙනගාල් ජාතික ජ්‍යෙෂ්ඨ නීතිඥ අබ්දුලායේ සේයි යන අයට එරෙහිව අමෙරිකාව සම්බාධක පනවා ඇති බව අමෙරිකානු රාජ්‍ය ලේකම් මාර්කෝ රූබියෝ ප්‍රකාශ කළා.

හේග් නුවර පිහිටි ජාත්‍යන්තර අපරාධ අධිකරණයට එරෙහිව ඩොනල්ඩ් ට්‍රම්ප් පරිපාලනය ගෙන යන දැඩි ක්‍රියාමාර්ගවල අඛණ්ඩ දිගුවක් ලෙස මෙම තීරණය ගෙන ඇති බවයි විදෙස් වාර්තා සඳහන් කළේ.

මේ අතර, අමෙරිකාවේ මෙම ක්‍රියාමාර්ගය නීතියේ ආධිපත්‍යය දුර්වල කරන ක්‍රියාවක් බවත්, නීතිය ක්‍රියාත්මක කරන අධිකරණ නිලධාරීන්ට තර්ජනය එල්ල වන විට ජාත්‍යන්තර නීති පද්ධතියම අවදානමට ලක්වන බවත්, ජාත්‍යන්තර අපරාධ අධිකරණය ප්‍රකාශ කර තිබෙනවා.