යූකැලිප්ටිස් ගසක අතු කපමින් සිටියදී බිමට වැටුණු අයෙක් මරුට

%E0%B6%BA%E0%B7%96%E0%B6%9A%E0%B7%90%E0%B6%BD%E0%B7%92%E0%B6%B4%E0%B7%8A%E0%B6%A7%E0%B7%92%E0%B7%83%E0%B7%8A+%E0%B6%9C%E0%B7%83%E0%B6%9A+%E0%B6%85%E0%B6%AD%E0%B7%94+%E0%B6%9A%E0%B6%B4%E0%B6%B8%E0%B7%92%E0%B6%B1%E0%B7%8A+%E0%B7%83%E0%B7%92%E0%B6%A7%E0%B7%92%E0%B6%BA%E0%B6%AF%E0%B7%93+%E0%B6%B6%E0%B7%92%E0%B6%B8%E0%B6%A7+%E0%B7%80%E0%B7%90%E0%B6%A7%E0%B7%94%E0%B6%AB%E0%B7%94+%E0%B6%85%E0%B6%BA%E0%B7%99%E0%B6%9A%E0%B7%8A+%E0%B6%B8%E0%B6%BB%E0%B7%94%E0%B6%A7

නෝර්වුඩ් පොලිස් වසමට අයත් වතුයායක යූකැලිප්ටිස් ගසකට නැග එහි අතු කැපීමට උත්සාහ කිරීමේදී ගසෙන් බිමට වැටී බරපතල තුවාල ලැබූ පුද්ගලයෙක් බගවන්තලාව ප්‍රාදේශීය රෝහලට ඇතුළත් කරන විටත් මියගොස් සිටි බව නෝර්වුඩ් පොලිසිය පවසනවා.

මෙසේ ගසෙන් පහළට වැටී මියගොස් ඇත්තේ හඟුරන්කෙත, හේවාහැට ප්‍රදේශයේ පදිංචි 52 හැවිරිදි සරත් වීරසේකර නමැත්තායි.

මෙම අනතුරින් බරපතල තුවාල ලැබූ එම තැනැත්තා ඊයේ (23) සවස රෝහල් ගත කළ බව බගවන්තලාව ප්‍රාදේශීය රෝහලේ දිස්ත්‍රික් වෛද්‍ය නිලධාරී ඒ.එස්.කේ. ජයසූරිය පැවසුවා.

නෝර්වුඩ් පොලිස් වසමට අයත් කර්කස්වෝල් හෙල්බඩ වතුයායේ පහළ කොටසේ යූකැලිප්ටිස් ගස් කැපීම සඳහා කොන්ත්‍රාත්තුව ලබාගෙන තිබූ කොන්ත්‍රාත්කරු යටතේ මරණකරු සේවය කර තිබූ බව වාර්තා වෙනවා.

එහිදී ඔහු යූකැලිප්ටිස් ගසක අඩි 35 ක් පමණ උසට නැග චේන්සෝ යන්ත්‍රයකින් ගසේ අතු කපමින් සිටියදී මෙලෙස පහළට ඇදවැටී තිබෙනවා.

සිද්ධිය සම්බන්ධයෙන් නෝර්වුඩ් පොලිසිය වැඩිදුර පරීක්ෂණ පවත්වනු ලබනවා.