බිරිඳට පොරවෙන් පහර දී මරා දැමූ සැමියා පොලිසියට භාරවෙයි‍

%E0%B6%B6%E0%B7%92%E0%B6%BB%E0%B7%92%E0%B6%B3%E0%B6%A7+%E0%B6%B4%E0%B7%9C%E0%B6%BB%E0%B7%80%E0%B7%99%E0%B6%B1%E0%B7%8A+%E0%B6%B4%E0%B7%84%E0%B6%BB+%E0%B6%AF%E0%B7%93+%E0%B6%B8%E0%B6%BB%E0%B7%8F+%E0%B6%AF%E0%B7%90%E0%B6%B8%E0%B7%96+%E0%B7%83%E0%B7%90%E0%B6%B8%E0%B7%92%E0%B6%BA%E0%B7%8F+%E0%B6%B4%E0%B7%9C%E0%B6%BD%E0%B7%92%E0%B7%83%E0%B7%92%E0%B6%BA%E0%B6%A7+%E0%B6%B7%E0%B7%8F%E0%B6%BB%E0%B7%80%E0%B7%99%E0%B6%BA%E0%B7%92%E2%80%8D

පවුල් ආරවුලක් දුරදිග යාම හේතුවෙන් බිරිඳගේ හිසට පොරවෙන් පහර දී ඝාතනය කළ බව කියන සැමියකු ඊයේ (29) නුවරඑළිය පොලිසිය වෙත භාර වී තිබෙනවා.

පවුල් ආරවුලක් හේතුවෙන් තම බිරිඳගේ හිසට පොරවෙන් පහර දී තුවාල සිදු කළ බවත් පසුව තමන් පොලිසිය වෙත පැමිණි බවත් සැකකරු පොලිසිය හමුවේ පවසා ඇතැයි නුවරඑළිය පොලිසිය පවසනවා.

පොරෝ පහරින් බරපතල තුවාල ලබා සිටි එම කාන්තාව ප්‍රදේශවාසීන් විසින් නුවරඑළිය දිස්ත්‍රික් මහ රෝහල වෙත ඇතුළත් කිරීමට ගෙන යන අවස්ථාවේදී ඇය මියගොස් ඇති බවයි රෝහල් ආරංචි මාර්ග සඳහන් කරන්නේ.

මෙම ඝාතනයෙන් ජීවිතක්ෂයට පත්ව ඇත්තේ නුවරඑළිය පොලිස් වසමට අයත් බොරලන්ද විනයාගපුරම් ප්‍රදේශයේ පදිංචි 43 හැවිරිදි චිත්‍රා දේවි නම් කාන්තාවක්.

මියගිය කාන්තාවගේ සිරුර පශ්චාත් මරණ පරීක්ෂණය සඳහා නුවරඑළිය දිස්ත්‍රික් මහ රෝහලේ තැන්පත් කර තිබෙනවා.

සිද්ධිය සම්බන්ධයෙන් අත්අඩංගුවට ගත් 32 හැවිරිදි සැකකරු අද (30) දින නුවරඑළිය මහේස්ත්‍රාත් අධිකරණය වෙත ඉදිරිපත් කිරීමට නියමිත අතර, නුවරඑළිය පොලිසියේ අපරාධ විමර්ශන අංශයේ නිලධාරීන් විසින් වැඩිදුර පරීක්ෂණ පවත්වනු ලබනවා.