ඉන්දියාවෙන් රුපියල් බිලියන 840ක දැවැන්ත සාගර තෙල් සහ ගෑස් ගවේෂණ ව්‍යාපෘතියක්

ඉදිරි වසර පහ ඇතුළත සාගරික තෙල් සහ ස්වාභාවික ගෑස් ගවේෂණ කටයුතු වේගවත් කිරීම සඳහා ඇමරිකානු ඩොලර් බිලියන 8.8ක ආයෝජන වැඩසටහනකට ඉන්දියානු රජයේ අනුමැතිය හිමිවී තිබෙනවා.

2030-31 මුදල් වසර අවසන් වන තෙක් ක්‍රියාත්මක වන මෙම 'ජාතික සාගරික ගවේෂණ යෝජනා ක්‍රමය' හරහා, එරට තෙල් සංචිත වෙත සොයාගත හැකි තෙල් ලීටර් මෙට්‍රික් ටොන් මිලියන 600කට අධික ප්‍රමාණයක් අලුතින් එකතු කිරීම වේගවත් කිරීමට අපේක්ෂිතයි.

මෙම වැඩසටහන මගින් භූකම්පන සමීක්ෂණ, දත්ත සැකසීම සහ විශ්ලේෂණය මෙන්ම ගැඹුරු සහ අති-ගැඹුරු මුහුදු සීමාවන්හි ගවේෂණාත්මක විදීම් කටයුතු සඳහා ප්‍රතිපාදන වෙන් කෙරෙනු ඇත. ඊට අමතරව, මායිම් ද්‍රෝණිවල විද්‍යාත්මක විදීම්, හවුල් සාගරික නිෂ්පාදන සහ ප්‍රවාහන යටිතල පහසුකම් සංවර්ධනය සහ ඒකාබද්ධ තෙල් හා ගෑස් නිෂ්පාදන සහ සේවා කලාපයක් ස්ථාපනය කිරීමට ද මෙයින් සහාය හිමිවෙනවා.

මෙම යෝජනා ක්‍රමය මගින් තෙල් ගවේෂණ සහ නිෂ්පාදන සැපයුම් දාමය පුරා ආයෝජන දිරිගැන්වීම, සමාගම් සඳහා දිගුකාලීන අවස්ථාවන් නිර්මාණය කිරීම සහ දේශීය තාක්ෂණික හැකියාවන් ශක්තිමත් කිරීම සිදුවන බව රජය පවසනවා.

පසුගිය දශකය තුළ ඉන්දියාව සිය සාගරික කලාපයන්ගෙන් බහුතරයක් ගවේෂණ කටයුතු සඳහා විවෘත කර ඇති අතර, ඊට අදාළ නීතිමය සහ කොන්ත්‍රාත්තු රාමුව යාවත්කාලීන කිරීමටත්, ජාතික දත්ත ගබඩාව පුළුල් කිරීමටත් පියවර ගෙන තිබෙනවා.

මෙම නවතම පියවර ඉන්දියාවේ විදේශීය බලශක්ති මත යැපීම අවම කිරීම සඳහා දරන උත්සාහයේ තවත් එක් අදියරක්.

අග්‍රාමාත්‍ය නරේන්ද්‍ර මෝදි විසින් පසුගිය වසරේ අගෝස්තු මාසයේදී පැවැත්වූ විශේෂ දේශනයකදී මෙම සාගරික ගවේෂණ මෙහෙයුම පිළිබඳව මුලින්ම අනාවරණය කරනු ලැබුවා.