ශ්‍රී ලංකා ක්‍රිකට් සම්මාන උළෙලේ වසරේ විශිෂ්ටතම ක්‍රීඩකයා පැතුම් නිස්සංක - ක්‍රීඩිකාව චමරි අතපත්තු

2025 වසරේ විශිෂ්ටතම ශ්‍රී ලාංකික ක්‍රිකට් ක්‍රීඩකයා ලෙස ආරම්භක පිතිකරු පැතුම් නිස්සංක සම්මානයෙන් පිදුම් ලබා තිබෙනවා.

ඒ, ඊයේ (06) පැවැති ශ්‍රී ලංකා ක්‍රිකට් සම්මාන රාත්‍රියේදීයි.

එමෙන්ම, මෙහිදී 2025 වසරේ විශිෂ්ටතම ක්‍රිකට් ක්‍රීඩිකාව ලෙස ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු සම්මානයෙන් පිදුම් ලැබුවා.

පසුගිය වසර පුරා ජාත්‍යන්තර ක්‍රිකට් පිටියේ දැක්වූ දක්ෂතා අගයමින් සංවිධානය කෙරුණු මෙම සම්මාන උළෙලේදී දෙස් විදෙස් ක්‍රිකට් පිටියේ කැපී පෙනෙන දක්ෂතා දැක්වූ ක්‍රීඩක ක්‍රීඩිකාවන් රැසක් ඇගයීමට ලක් කෙරුණා.

එහිදී හොඳම හොඳම තුන්ඉරියව් ටෙස්ට් ක්‍රීඩකයාට හිමි සම්මානයෙන් පිදුම් ලැබුවේ ධනංජය ද සිල්වායි.

හොඳම ටෙස්ට් පන්දු යවන්නාට හිමි සම්මානය දිනාගැනීමට සමත් වුණේ ප්‍රභාත් ජයසූරියයි.

හොඳම තුන්ඉරියව් ක්‍රීඩකයා ලෙස වනිඳු හසරංග සම්මානයට පාත්‍ර වෙද්දි හොඳම පිතිකරු සම්මානයෙන් පිදුම් ලැබුවේ චරිත් අසලංකයි.

2025 වසරේ එක්දින හොඳම පන්දු යවන්නා ලෙස අසිත ප්‍රනාන්දු සම්මානයෙන් පිදුම් ලැබූ අතර 2025 වසරේ විස්සයි විස්ස හොඳම පන්දු යවන්නා ලෙස සම්මානයෙන් පිදුම් ලැබුවේ දුෂ්මන්ත චමීරයි.

එමෙන්ම පසුගිය වසරේ හොඳම එක්දින පන්දු යවන්නිය හා තුන්ඉරියව් ක්‍රීඩිකාව ලෙස චමරි අතපත්තු සම්මානයෙන් පිදුම් ලබද්දී, හොඳම පිතිකාරිනිය ලෙස හර්ෂිතා සමරවික්‍රම සම්මානයෙන් පිදුම් ලැබුවා