ශ්‍රී ලංකාව කඩුලු 6ක් ඇතැතිව ලකුණු 288ක් පසුපසින්

ශ්‍රී ලංකාව සහ ඉන්දියාව අතර ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වෙන පළමු ටෙස්ට් තරගයේ සිව්වැනි දිනයට තරගය නතර කරන විට, සිය දෙවැනි ඉනිම ක්‍රීඩා කරන ශ්‍රී ලංකා කණ්ඩායම කඩුලු 4ක් දැවී ලකුණු 84ක් රැස් කරගෙන සිටිනවා.

ලකුණු 372ක ජයග්‍රාහී ඉලක්කයක් හඹා යන ශ්‍රී ලංකා කණ්ඩායම වෙනුවෙන් නොදැවී රැඳී සිටින නායක ධනංජය ද සිල්වා ලකුණු 31ක් සහ සොනාල් දිනූෂ ලකුණු 25ක් ලබාගෙන සිටිනවා.

පන්දු යැවීමේදී ඉන්දීය කණ්ඩායම වෙනුවෙන් මානව් සුතර් ලකුණු 30කට කඩුලු 2ක් බිඳ හෙලීමට සමත් වුණා.

තරගයේ අවසන් දිනය වන හෙට (19) ජයග්‍රහණය තහවුරු කර ගැනීම සඳහා ශ්‍රී ලංකා කණ්ඩායමට තවත් ලකුණු 288ක් අවශ්‍ය වන අතර, ඉන්දීය කණ්ඩායමට තරගය ජය ගැනීමට අවශ්‍ය වන්නේ තවත් කඩුලු 6ක් පමණයි.

මේ වන විට ලකුණු සටහනේ ඉන්දියාව පළමු ඉනිමට ලකුණු 462ක්, ශ්‍රී ලංකාව පළමු ඉනිමට ලකුණු 284ක් මෙන්ම ඉන්දියාව දෙවැනි ඉනිම සඳහා ලකුණු 193ක් රැස්කරගෙන තිබෙනවා.