இலங்கையின் நகர்ப்புற மக்களில் 30 வீதமானோருக்கு 'கொழுப்பு கல்லீரல்' பாதிப்பு : மருத்துவர்கள் எச்சரிக்கை!

%E0%AE%87%E0%AE%B2%E0%AE%99%E0%AF%8D%E0%AE%95%E0%AF%88%E0%AE%AF%E0%AE%BF%E0%AE%A9%E0%AF%8D+%E0%AE%A8%E0%AE%95%E0%AE%B0%E0%AF%8D%E0%AE%AA%E0%AF%8D%E0%AE%AA%E0%AF%81%E0%AE%B1+%E0%AE%AE%E0%AE%95%E0%AF%8D%E0%AE%95%E0%AE%B3%E0%AE%BF%E0%AE%B2%E0%AF%8D+30+%E0%AE%B5%E0%AF%80%E0%AE%A4%E0%AE%AE%E0%AE%BE%E0%AE%A9%E0%AF%8B%E0%AE%B0%E0%AF%81%E0%AE%95%E0%AF%8D%E0%AE%95%E0%AF%81+%27%E0%AE%95%E0%AF%8A%E0%AE%B4%E0%AF%81%E0%AE%AA%E0%AF%8D%E0%AE%AA%E0%AF%81+%E0%AE%95%E0%AE%B2%E0%AF%8D%E0%AE%B2%E0%AF%80%E0%AE%B0%E0%AE%B2%E0%AF%8D%27+%E0%AE%AA%E0%AE%BE%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AF%81+%3A+%E0%AE%AE%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D+%E0%AE%8E%E0%AE%9A%E0%AF%8D%E0%AE%9A%E0%AE%B0%E0%AE%BF%E0%AE%95%E0%AF%8D%E0%AE%95%E0%AF%88%21

இலங்கையில் மேற்கொள்ளப்பட்ட ஆய்வுகளின்படி, நாட்டின் நகர்ப்புற மக்களில் சுமார் 30 முதல் 32 வீதமானோர் கொழுப்பு கல்லீரல் நோயினால் பாதிக்கப்பட்டுள்ளதாக பதுளை போதனா மருத்துவமனையின் இரைப்பை குடல் விசேட மருத்துவ நிபுணர் பியல் ரங்கன ஹேரத் தெரிவித்துள்ளார்.

கிராமப்புற மக்களுடன் ஒப்பிடும்போது நகர்ப்புற மக்களிடையே இந்தப் பாதிப்பு அதிகமாகக் காணப்படுகிறது. உணவுப் பழக்கவழக்கங்கள் மற்றும் அன்றாட உடல் உழைப்பு குறைதல் ஆகியவையே இதற்குக் காரணம் என மருத்துவர் ஹேரத் சுட்டிக்காட்டியுள்ளார்.

கொழும்பு, கம்பஹா போன்ற நகரங்களில் இதன் தாக்கம் அதிகமாக இருப்பதாகவும் அவர் குறிப்பிட்டுள்ளார்.

பெரும்பாலான நோயாளிகள் தற்செயலாகவே இந்த நோயைக் கண்டறிகின்றனர். வேறு நோய்களுக்காக மருத்துவரை நாடும்போது அல்லது வயிற்றுப் பகுதியை ஸ்கேன் செய்யும்போது கொழுப்பு கல்லீரல் பாதிப்பு இருப்பது தெரியவருகிறது.

கல்லீரலில் அதிகப்படியான கொழுப்பு படிவது நீரிழிவு மற்றும் உடல் பருமன் போன்ற தொற்றாத நோய்களுடன் நெருங்கிய தொடர்புடையது.

இதேவேளை, எம்பிலிபிட்டிய மாவட்ட பொது மருத்துவமனையின் விசேட மருத்துவ நிபுணர் தனுஷி ஆர்.அபேநாயக்க கருத்துத் தெரிவிக்கையில், காஸ்ட்ரைடிஸ் எனப்படும் வயிற்றுப் புண் பாதிப்பை ஆரம்பத்திலேயே கண்டறிவது அவசியம் என்றார்.

ஆரோக்கியமான வாழ்க்கை முறை, முறையான மருந்துகள் மற்றும் பாதிப்பை அதிகரிக்கும் உணவுகளைத் தவிர்ப்பதன் மூலம் இந்நோயை முழுமையாகக் குணப்படுத்த முடியும் என அவர் மேலும் தெரிவித்தார்.

இதையும் பார்க்கவும்..