ஐக்கிய அரபு இராச்சியம் முதல் அமெரிக்கா வரை இந்த மாம்பழத்துக்கு இவ்வளவு மவுசா?

2024-25 நிதியாண்டில் இந்தியாவிலிருந்து மாம்பழங்களை வாங்கிய மிகப்பெரிய நாடாக ஐக்கிய அரபு அமீரகம் திகழ்கிறது.

அந்நாடு மொத்த ஏற்றுமதியில் சுமார் 31 சதவீதத்தை வாங்குகிறது. அந்த வகையில், 12,000 மெட்ரிக் டொன்களுக்கும் அதிகமான மாம்பழங்கள் ஐக்கிய அரபு அமீரகத்திற்கு ஏற்றுமதி செய்யப்பட்டுள்ளன.

இவற்றின் மதிப்பு சுமார் 20 மில்லியன் டொலர்களாகும். அங்கு அதிக எண்ணிக்கையிலான இந்தியர்கள் வசிக்கின்றனர் மற்றும் இந்தியாவுக்கும் ஐக்கிய அரபு அமீரகத்திற்கும் இடையே வலுவான வர்த்தக உறவுகள் உள்ளன.

ரமலான் மற்றும் பிற பண்டிகைகளின் போது அல்போன்சா உள்ளிட்ட வகைகளின் நுகர்வு அங்கு மேலும் அதிகரிக்கிறது.

இந்திய மாம்பழங்களுக்கான இரண்டாவது பெரிய சந்தையாக அமெரிக்கா உள்ளது. 2024-25ஆம் ஆண்டில் மொத்த ஏற்றுமதியில் சுமார் 23 சதவீதத்தை அமெரிக்கா எடுத்துக்கொண்டது.

அங்கு அல்போன்சோ அல்லது ஹாப்ஸ் மாம்பழத்திற்கு அதிக தேவையும், இந்தியர்கள் மற்றும் உயர்தர சந்தைகளில் நல்ல வரவேற்பும் உள்ளது.

இங்கிலாந்து மூன்றாவது பெரிய சந்தையாகும். அங்கு 2024-25ஆம் ஆண்டில் சுமார் 10.5 சதவீத மாம்பழங்கள் ஏற்றுமதி செய்யப்பட்டன. சிறந்த பேக்கேஜிங் மற்றும் குளிரூட்டப்பட்ட விநியோகச் சங்கிலி வசதிகள் காரணமாக அங்கு ஏற்றுமதி அதிகரித்து வருகிறது. அல்போன்சோ மற்றும் கேசர் ரகங்கள் அங்கு மிகவும் பிரபலமானவை.


வளைகுடா நாடுகளில் சவுதி அரேபியாவும் ஒரு முக்கிய சந்தையாக உள்ளது. அங்கு ரமலான் மாதத்தில் மாம்பழ நுகர்வு கணிசமாக அதிகரிக்கிறது. தோத்தாபுரி, அல்போன்சோ மற்றும் கேசர் ரகங்கள் பெரும்பாலும் அங்கு இறக்குமதி செய்யப்படுகின்றன.