14 வயதுக்குட்பட்டோருக்கான 4X50 மீற்றர் அஞ்சல் ஓட்டம் : புதிய சாதனையுடன் கொழும்பு மகளிர் கல்லூரி முதலிடம்!

இந்த போட்டியில் பந்தயத் தூரத்தை 26.88 வினாடிகளில் நிறைவு செய்து அவர்கள் இந்தப் புதிய போட்டிச் சாதனையைப் படைத்துள்ளனர்.

இதற்கு முன்னர் கடந்த 2024 ஆம் ஆண்டில் நீர்கொழும்பு ஆவே மரியா கன்யாராமய பாடசாலை நிலைநாட்டியிருந்த 27.2 வினாடிகள் என்ற சாதனையே இதன் மூலம் முறியடிக்கப்பட்டுள்ளது.

ஹிரு ஊடகக் வலையமைப்பின் தலைவர் ரெய்னோ சில்வாவின் வழிகாட்டலின் கீழ், ஊடகக் குழுமத்தின் முழுமையான அனுசரணையுடன் இந்த போட்டித் தொடர் நடத்தப்பட்டு வருகின்றது.

இலங்கை பாடசாலைகள் தடகள சங்கத்தினால் 4 ஆவது தடவையாகவும் ஏற்பாடு செய்யப்பட்டுள்ள இந்தத் அஞ்சல் ஓட்டப் போட்டித் தொடர், கல்வி அமைச்சின் அனுமதியுடன் அனைத்து வயதுப் பிரிவுகளையும் உள்ளடக்கியதாக நடத்தப்படுகின்றது.

இதில் நாடு முழுவதிலுமிருந்து 4,500 க்கும் மேற்பட்ட பாடசாலை மாணவர்கள் கலந்துகொண்டுள்ளமை குறிப்பிடத்தக்கது.