ஜனநாயகன் திரைப்படம் மீது கிராம மக்கள் குற்றச்சாட்டு - இயக்குநர் ஹெச். வினோத்துக்கு நீதிமன்றம் அறிவிப்பு

ஜனநாயகன் திரைப்படத்தில் இடம்பெற்றுள்ள ஆட்சேபனைக்குரிய காட்சிகளை நீக்க உத்தரவிடக் கோரிய வழக்கில், இயக்குநர் ஹெச்.வினோத்துக்கு உயர்நீதிமன்ற மதுரை அமர்வு அறிவிப்பு அனுப்பியுள்ளதாக இந்திய ஊடகங்கள் தெரிவிக்கின்றன.

தணிக்கை சபை தலைவர் மற்றும் தயாரிப்பாளர் இந்த வழக்கு தொடர்பில் பதிலளிக்க வேண்டும் எனவும் நீதிமன்றம் உத்தரவிட்டுள்ளது.

ஜனநாயகன் திரைப்படத்தில் இடம்பெற்றுள்ள சித்தரிக்கப்பட்ட காட்சிகள் பாப்பாபட்டி கிராம மக்களின் நற்பெயரையும் கண்ணியத்தையும் பாதிக்கும் வகையில் உருவாக்கப்பட்டுள்ளதாக தெரிவித்து சின்னச்சாமி என்பவர் குறித்த வழக்கை தாக்கல் செய்திருந்தார்.

எனினும், இந்த விவகாரம் தொடர்பாக இயக்குநர் ஹெச். வினோத் அல்லது படக்குழுவினர் இதுவரை அதிகாரப்பூர்வ பதில் எதுவும் வெளியிடவில்லை என இந்திய ஊடகங்கள் தெரிவிக்கின்றன.