மைதானத்தில் ஸ்டார்கை நேர்காணல் செய்த மனைவி!

பங்களாதேஷ் அணிக்கு எதிரான இரண்டாவது டெஸ்ட் கிரிக்கெட் போட்டியின் முதல் நாளில் மிட்செல் ஸ்டார்க்கின் அபார பந்துவீச்சைத் தொடர்ந்து, அவரது மனைவியும் அவுஸ்திரேலிய மகளிர் அணியின் முன்னாள் தலைவருமான அலீசா ஹீலி நடத்திய சுவாரஸ்யமான நேர்காணல் சமூக வலைத்தளங்களில் தற்போது வைரலாகி வருகிறது.

மேக்கேவில் (Mackay) நடைபெறும் இந்த போட்டியில் 7 ஓவர்களில் 12 ஓட்டங்கள் மட்டுமே விட்டுக்கொடுத்து 6 விக்கெட்டுகளைக் கைப்பற்றிய மிட்செல் ஸ்டார்க், பங்களாதேஷ் அணியை 64 ஓட்டங்களுக்குச் சுருட்ட முக்கியக் காரணமாக அமைந்தார்.

போட்டியின் மதிய போசண இடைவேளையின் போது (Lunch Break), மைதானத்தில் ஊடகவியலாளராகக் கையில் ஒலிவாங்கி ஏந்திய அலீசா ஹீலி, தனது கணவர் மிட்செல் ஸ்டார்க்கை நேர்காணல் செய்தார்.

"கடந்த முறை நான் தான் இரவு உணவிற்கான கட்டணத்தைச் செலுத்தினேன், இன்று உங்கள் சிறப்பான பந்துவீச்சால் நீங்கள் தான் இரவு உணவிற்கான பணத்தைக் கொடுக்க வேண்டும்" என ஹீலி விளையாட்டாகக் கூறியது மைதானத்தில் சிரிப்பலைகளை ஏற்படுத்தியது.

களத்தில் தீவிரமான பந்துவீச்சாளராக வலம்வரும் மிட்செல் ஸ்டார்க், தனது மனைவியின் நேர்காணலின் போது புன்னகையுடன் பதிலளித்த இந்தக் காணொளி சமூக வலைத்தளங்களில் வைரலாகி வருகின்றமை குறிப்பிடத்தக்கது.