ரோஹித் - கோலி போராட்டம்: இந்திய அணிக்கு ஆறுதல் வெற்றி - Hiru News - Srilanka's Number One News Portal, Most visited website in Sri Lanka

அவுஸ்திரேலிய மற்றும் இந்திய அணிகளுக்கிடையிலான 3 போட்டிகள் கொண்ட ஒரு நாள் தொடரின் இறுதிப் போட்டியில் இந்தியா அணி வெற்றி பெற்றுள்ளது.

முன்னதாக இரு அணிகளுக்கும் இடையில் இடம்பெற்ற இரண்டு போட்டிகளிலும் அவுஸ்திரேலியா அணி வெற்றி பெற்றது.

இந்தநிலையில் இன்று நடைபெற்ற போட்டியில் நாணய சுழற்சியில் அவுஸ்திரேலியா அணி வெற்றி பெற்று முதலில் துடுப்பெடுத்தாட தீர்மானித்தது.

அதன்படி முதலில் துடுப்பெடுத்தாடிய அவுஸ்திரேலியா அணி 236 ஓட்டங்களுக்குச் சகல விக்கெட்டுகளையும் இழந்தது.

அவுஸ்திரேலியா அணி சார்பில் ரென்சா அரைசதம் கடந்து 56 ஓட்டங்களையும் அணித் தலைவர் மிட்செல் மார்ஷ் 41 ஓட்டங்களையும் பெற்றுக் கொடுத்தனர்.

பந்துவீச்சில் இந்திய அணி சார்பில் ஹர்ஷித் ராணா 4 விக்கெட்டுகளை வீழ்த்தினார்.

இதனையடுத்து பதிலுக்கு துடுப்பெடுத்தாடிய இந்திய அணி 1 விக்கெட் இழப்பிற்கு 237 ஓட்டங்களைப் பெற்று எளிதாக வெற்றி பெற்றது.

இந்திய அணி சார்பில் ரோஹித் சர்மா சதம் கடந்து 121 ஓட்டங்களையும் விராட் கோலி அரைசதம் கடந்து 74 ஓட்டங்களையும் பெற்றனர்.

இந்த போட்டியில் வெற்றி பெற்றாலும் ஒருநாள் தொடரை 2 - 1 என்ற கணக்கில் அவுஸ்திரேலியா அணி கைப்பற்றியமை குறிப்பிடத்தக்கது.

ரோஹித் - கோலி போராட்டம்: இந்திய அணிக்கு ஆறுதல் வெற்றி