ஜோர்தானை 2–1 என்ற கோல் கணக்கில் வீழ்த்தி அல்ஜீரியா அணி வெற்றி

%E0%AE%9C%E0%AF%8B%E0%AE%B0%E0%AF%8D%E0%AE%A4%E0%AE%BE%E0%AE%A9%E0%AF%88+2%E2%80%931+%E0%AE%8E%E0%AE%A9%E0%AF%8D%E0%AE%B1+%E0%AE%95%E0%AF%8B%E0%AE%B2%E0%AF%8D+%E0%AE%95%E0%AE%A3%E0%AE%95%E0%AF%8D%E0%AE%95%E0%AE%BF%E0%AE%B2%E0%AF%8D+%E0%AE%B5%E0%AF%80%E0%AE%B4%E0%AF%8D%E0%AE%A4%E0%AF%8D%E0%AE%A4%E0%AE%BF+%E0%AE%85%E0%AE%B2%E0%AF%8D%E0%AE%9C%E0%AF%80%E0%AE%B0%E0%AE%BF%E0%AE%AF%E0%AE%BE+%E0%AE%85%E0%AE%A3%E0%AE%BF+%E0%AE%B5%E0%AF%86%E0%AE%B1%E0%AF%8D%E0%AE%B1%E0%AE%BF

கால்பந்து தொடரின் குழு'J' பிரிவில் நடைபெற்ற ஆட்டத்தில் அல்ஜீரியா அணி 2–1 என்ற கோல் கணக்கில் ஜோர்தானை வீழ்த்தி வெற்றி பெற்றுள்ளது.

இந்தத் தோல்வியின் மூலம் கால்பந்து தொடரில் அறிமுக அணியாகக் களம் கண்ட ஜோர்தான் அடுத்த சுற்று வாய்ப்பை இழந்து வெளியேறுவது உறுதியாகியுள்ளது.

ஆட்டத்தின் முதல் பாதியில் ஜோர்தான் அணி சிறப்பான ஆட்டத்தை வெளிப்படுத்தியது.

போட்டியின் 36 ஆவது நிமிடத்தில் ஜோர்தானின் நிஜார் அல்-ரஷ்தான் முதல் கோலை அடித்து தனது அணியை 1–0 என முன்னிலைப்படுத்தினார். இதனால் முதல் பாதியில் ஜோர்தான் முன்னிலையில் இருந்தது.

எனினும், இரண்டாவது பாதியில் அதிரடி காட்டிய அல்ஜீரியா அணி ஆட்டத்தை தன்வசப்படுத்தியது.

மாற்று வீரராகக் களம் புகுந்த நாதிர் பென்புவாலி 69ஆவது நிமிடத்தில் ஒரு அபாரமான ஹெடர் மூலம் கோல் அடித்து போட்டியை 1–1 என சமநிலைக்குக் கொண்டு வந்தார்.

அதனைத் தொடர்ந்து ஆட்டத்தின் 82 ஆவது நிமிடத்தில் அல்ஜீரியாவின் நட்சத்திர வீரர் அமீன் குயிரி அணியின் இரண்டாவது கோலை பதிவு செய்து 2–1 என அணியை வெற்றிப் பாதைக்கு அழைத்துச் சென்றார்.

முன்னிலையை மீட்டெடுக்க ஜோர்தான் இறுதிவரை போராடியும் அல்ஜீரியாவின் பலமான தடுப்பாட்டத்தை மீறி கோல் அடிக்க முடியவில்லை.

அதன்படி அல்ஜீரியா அணி வெற்றி பெற்றுள்ளது.